أجيلك مرحبانيّة، ووجهي بـ الوله مبتل
ترا النيّة هي عيونك وأنا دايم على النيّة
إذا زلّ الفؤاد بشي بـ افرش لك فؤادي زل
وبـ استشفع بـ قيفانه، وأبدّع في حكاويّه
حبيبي لا تحِل عنّي مدام إنّ بيديك الحل
لعمري عمري بـ ليّاك ترهقني ثوانيّه
تبي تخلّي الهوى خلّه ولكنّي بـ ابقى خِل
أوقِّف جنب دمعاتك بدمعاتي الخلاويِة
أنا لو غبت عن عيني بـ أهلّ دموعي لين أنهل
وبـ انسى وجهي المرتاح وضحكاتي السماويّة
حصدت الشوك من إيدك مع إني كنت زارع فل!
وقسى قلبك على قلبٍ تذرّى في رجاويّة
تضيّعني مسافاتك واخاف أرجع لك وما أدل
دلالة نظرتي كانت على دروبي الشقاويّة
حكيت بكلّ ما عندي إلين الحكي منّي مَل
ورحت بكل ما فيني أعاتب لهفة الجية!
>>Click here to continue<<