plan b大公開
其實當佢係plan b, 有少少唔係咁公平.
因為其實佢係真正嘅藝術家, 一早喺英國好紅, 而且賺到好多錢, 好多拍賣會都會見到佢, 不過佢冇十幾年前嗰種意氣風發而, 家係一個好踏實嘅藝術家.
所以藝術品嚟講, 呢一個先至係自己手頭上第一件, 一定炒得起嘅藝術品.
先簡單介紹佢個人.
佢叫做 Damien Hirst, 自我介紹嗰陣時通常都會要大家叫佢做DH, 由於當年佢好聰明咁樣, 將啲藝術品可能係送、可能係賣畀一啲荷里活巨星, 係唔係有少少似而家嘅馬騮？大家去到啲明星屋企嘅時候就好似廣告牌咁, 所以基本上佢喺90年代, 係主導咗英國嘅藝術發展方向. 亦都順利喺九五年, 得到個英國當代藝術大獎特納獎.
成名作係將一條鯊魚放喺玻璃櫃裏面, 然後賣到全世界第二貴嘅(在世)藝術品. 證明呢個人好識做生意, 好識賺錢, 而且好識得包裝自己！對我哋嚟講係一件好事.
佢曾經講過藝術家點解唔可以講錢？冇錢點樣推動藝術發展？唔可能個個都要好似梵高咁樣, 三餐不繼先至可以成功！我欣賞佢嘅坦白.
2003年佢已經擁有差唔多接近四億嘅身家, 你要知道藝術家喎, 佢嘅收入就係靠展覽同埋出售藝術品. 佢有陣時又會高價咁樣, 買返大部分自己出售咗嘅藝術品, 呢啲可以話係藝術家脾氣.
大家要留意一個藝術家有冇潛力, 就係睇佢啲藝術品究竟畀邊啲人收藏？ 之前提過嘅鯊魚, 最後收藏嘅地點就係紐約現代藝術博物館！ 最後一口交易係一億！成本只係五萬美金, 當年呢一個藝術品出售, 都引起小風波, 因為英國有政府要員, 想將呢個作品保留喺英國裏面, 結果當然失敗啦.
另一個代表作就係for the love of god, 成本用咗一億四千萬, 2007 年有人問緊五億.
呢個手足輕重嘅人, 最近就出咗自己第一套嘅NFT, 叫做the currency , 就係今次嘅新大陸.
簡單啲嚟講就係彩色嘅波點, 印喺用人手做嘅紙上面, 每張紙都有佢獨特嘅命名, 而佢做嘅實驗就係, 你可以揀一個實體嘅藝術品或者淨係保留NFT, 兩個只可以揀一個, 佢想知道到底啲人點樣揀？之後佢就會行邊條路
所以好多當代藝術家都睇緊佢嘅成果！！係傳統藝術界嘅里程碑！
呢套藝術品, 佢雖然聲稱會出一萬件, 但係因為技術嘅原因, 暫時流傳於世嘅NFT只係得千幾件, 去到以太坊鏈上面做交易嘅只係得番800件左右.........其實真係好難叫一個藝術家仲可以handle it方面嘅技術, 我好清楚佢係要日以繼夜，人手操作自己嗰條區塊鏈, 因為我當日身受其害, 玩咗我三十個鐘先至成交到一幅畫。
佢自己想製造一個私人嘅鏈，而且用佢嘅虛擬貨幣去做gas fee ，明顯做唔到喇。
所以我估佢終於面對現實, 用其他身份, 喺opensea 呢個交易平台嗰度賣出嚟, 呢個世界根本冇人有咁多貨， 除咗佢。 你亦唔使諗佢會平賣畀你, 只會越買越貴
點解呢批藝術品叫做貨幣？因為其實佢有好多防偽特徵，例如有水印，有佢嘅幻彩碼，同埋有一粒防偽嘅膠片喺真實嘅藝術品度。
不過我諗揀起上嚟保存嘅問題，都係揀返NFT比較穩陣啲，雖然而家佢未有詳細細節點樣揀。
大家請記住研究一個藝術家要睇返佢之前嘅作品，佢之前嘅作品可以話冇一個係輸錢, 呢個就係點解一直支援佢嗰個投資者發到豬頭咁嘅樣嘅原因.
至於點樣選擇？ 我嘅意見係由地板價開始買入， 但係要睇一睇每幅畫嘅名， 有啲大吉利是嗰啲就唔好揀。 要格硬分佢邊張值錢啲，唔係冇辦法，不過我覺得有少少無謂 ，例如白色空間佔幾多？色彩分佈係點樣？有冇重疊？ 張紙黃唔黃 ？我自己覺得冇咁嘅必要。
至於升值潛力， 其實基本上佢一落地開始，就冇跌過， 而家暫時以一日昇一粒以太幣嘅速度上升緊， 佢呢個人亦都好醒， 正常嘅情況之下， 有少少成交 ，佢就會不斷加價， 所以我特登揀星期日公佈，因為鬼佬星期日通常都放假，離開咗辦公室 ，減低畀佢加價嘅風險 ，請大家相信我，佢加價加得好狼死， 所以大家動作要快 ，唔好原本入到變咗入唔到 。
呢一套藝術品，我相信用超長遠去估計 ，係升得最多，而且冇上限嘅藝術品 ，唔係同你講十倍一百倍嗰啲 。 但係佢係要長啲時間。
仲有一點，一個成功嘅藝術品，係你見完之後一世都記得， 雖然佢設計簡單， 但係保證你一世都記得有件咁嘅藝術品，哈哈
https://opensea.io/assets/thecurrency?search[sortAscending]=true&search[sortBy]=PRICE&search[toggles][0]=BUY_NOW
>>Click here to continue<<
