حلم ونريد منه الفزه رد بينه
وحسينك نكتله وماتحاجينه
••••••••••••••••••••••••••••••••••••••
ماضل لنصر بس حسبه اسويعة
وامر حسين كون يتمم البيعة
والحكم الخليفه ينزل يطيعة
وبحضور الخليفه ينزل بعينه
••••••••••••••••••••••••••••••••••••••
هيج احساب عدهم ونتسوا عباس
صدو جيش كامل ينرفع بي راس
نزل عدهم علم صار وتبختر داس
جدمه بكاع ضمت سيف سجينه
••••••••••••••••••••••••••••••••••••••
واقعنه عزيز حسينك مطوكَ
فاتتنه الغنايم وانت تتسبكَ
ياعباس رد للخيمه وتعوكَ
ولا تبرز دخيلك همه مابينه
••••••••••••••••••••••••••••••••••••••
جيناك بمثل ونريده يتحقق
تغلبها الشجاعه الكثره بالمنطق
احنه نريد مو الحسين يتفوق
خذ كلش لعدنه ليك منطينه
••••••••••••••••••••••••••••••••••••••
هز بيده وزجرهم ونجفت حدره
ولو فزت يردها بيمنته بسطره
كابوس ونزل بعمامته الخضره
خاجيته نفضها وسيفه بيمينه
••••••••••••••••••••••••••••••••••••••
دمدم ورتعد وغتاض وتكبر
جيش بالحظه كام يكوم يتهطر
لمهم جن غنم ومشتتين ابر
وصاحوله جهنم لا تراوينه
••••••••••••••••••••••••••••••••••••••
هذا اليوم يومي تقبلو الواقع
من حلمك تفز ياجندي ياسامع
ابن المرتضى والبابكم قالع
خط احمر أخوي وعم انه سكينه
••••••••••••••••••••••••••••••••••••••
فزو من حلمهم صارو بصدره
صدو عل خيام القولهم نظره
حسين السالم واكف ع كبره
وهمه الموت بيهم كبرت سنينه
••••••••••••••••••••••••••••••••••••••
#محمد_هادي_المشرفاوي
>>Click here to continue<<