Kutaa Xumuraa
ASOOSAMA GABAABAA
ONNEE DHUGAA
KUTAA 2⃣3⃣ffaa
DUBBISA GAARII
...Biliseen gadlakkiftutti.
Wanti Olaanan hin eegne Biliseen garaatti ilmoo isaa baattee jirti. Baay'ee gammaddee
takkaammoo itti gaafatamummaa fudhachuun isa yaaddesseera. Ta'us "Bilisee wajjin boolla
du'aayyuu seenun waan na gaabbisiisu miti" jedheet of onna. Biliseen akka keessa isaatti yaadni
isaa waldhahaa jiru fuula isaatirraa hubachaa jirtii hanga fedhes Olaanaa yaa amantuu malee
"wanti akkanaa ni uumama jedhee yaade hin beeku ta'a kanaaf murtee isaa baruu na rakkisa"
jetteet isheenis yaaddoo keessa galte.
Manni hoo'ee akkuma gaafa gaggeessaa isaa kaawwan
sirbaa kaawwan ammoo bakkuma jiranitti qoosaa jiru. Biliseen kophaashee teessee yaada
Olaanaa baruuf dhiphuu hamaa keessa jirti. Olaananis bakka taa'uu oljedhee xiqqoo shubbisee
gara teessoo Biliseetti qajeelee Bilisee bira taa'e, morma isaatin gudeeda isheetirratti jigee
miilasaa teessoorra olbaasee ijashee keessa ol ilaalaa jira.
Isheenis akkuma barte dabbasaa isaa
susukkuumti " Oliikoo waa'eenkoo yaaddoo sitti ta'ee mitii maal godhu osoon deemee rakkoo koo kana kophaa kootin bahadha jedhee kana caalaa dhiphatta jedheenii" jetteen. "hundaafuu
waaqni jira hin yaadin" jedheeni ammas yaadashee iddo lamatti qoodamee jiru hin goolabneef.
"Olaanaa waan ta'e kanatti dhiphachaa jirta taanan akkuman jalqabaa waan dhufu hundayyuu itti
gaafatamummaa nan fudhadha jedhee itti si galche,ati homaan yaadin hundumaa kophaa koo nan
bahadha" jetteen. "maal jechaa jirta waan fedhetu natti hafa waan kophaa si gatu sittii fakkaataa,
an siifan yaadda'e malee anaan baay'ee natti tole, abba ilmaat na gochuuf deemta, akkam
harmeen sirriitti si kunuunsaa turtee, ammammoo anuu siif dhufeera homaan yaadda'in, kanaan
booda kophaa mana dhuunfaa keenyaa waliin jiraanna" jedheenii oljedhee addashee keessa
dhungate.
"jaalalli salphumatti kan kee na taasisee mitiiree, maatii keetitti jaarsa ergaanis hin
jiruu, dambii aadaa keenyaa naaf hin guuttuu" jetteen akka qoosaa taasiftee waan ijoo fi waan
hawwitu itti dhaammatte. "maatinkee yoo naaf si kennuu didanhoo yoo dhaddacha na
dhaabanhoo" jedheeni innis itti qoose.
Fulbaanni geesse Olaanan garuu withdrawal guutus malee waan barachuuf gara Yuuniversitii
Mattuu deemu miti. Biliseenis ilma godhattee Olaanaa abbaa ilmaa goote. Cidha isaanitiif
Biliseen gara maatii isheetti deebiteerti.
Guyyaa 05/04/2010 tti heyyama argataniitii haadha manaa fi abbaa warraa ta'uuf gahaniiru.
XUMURAMEERA!
Namoonni jalqabaa xumuraatti najajjabeessaa fi yaada naaf kennaa turtan galatoomaa!
Isinin jaalladha!
Barreessaan @miss_man1
Yaada qabdaniif @abakiyuma
@humnajaalalaa
@humnajaalalaa
>>Click here to continue<<