Kutaa 2️⃣1️⃣ffaa
ASOOSAMA GABAABAA
ONNEE DHUGAA
DUBBISA GAARII!
...isheenis ofitti qabuu cimsitee lafaan gahatte,alaanis ni bubbisa, rooba karfaffuu makattee
roobaa jira. Biliseen erga Olaanaa lafaan gahattee booda laphee isaatirra fuulashee gartokkee
buuftee, harka isheetin morma isaa sukkuumutti kaate.
Olaananis mormashee lapheesarra ture
fuudhee mormarra kawwate, fuulli isaanii fulleetti walitti bahee jira, lameen isaaniyyuu homaa
dubbachaa hin jiran garuu lapheen isaan laamaanii walitti baqxeerti, miira isaanitirraa hawwii
isaanii waliif dubbisaa jiru, Olaanadhaa gara hidhii isheetti jedhee takkaa haleeluf jedhu,
Biliseenis qabattee gad-lakkisuu didde,quba ishee alangaa fakkaatu sanaan morma isaa gara
duubaa hooksaa jirti.
Amma egaa Olaanaan humna dhabe guutumatti too'atamee jira. Waan
yaadee hin beekne raawwachuuf deema. Suuta jedhee harka isaa morma isheetirra ture gadi
loosuu jalqabee guntuta ishee biraan gahate, gaafa guntuta ishee burtukaana sana ganaa isaatin
cobbaxuu isheedhaa utaalee hidhii isaa kiss gochaa jirtu ciniintu hubatu rifatee battaluma
harkarraa kaasee ka'uuf jedhu "maal sittiin tolle Oliikoo maalif akkana sodaatta balaa dhufu
hunda nan danda'a akka badheetti nan gannees nan beeka ani ammoo waan kana si waliin
raawwachuun koo na boonsa malee takkaayyuu hin leeyya'u kanaan booda wanti fedheyyuu yaa
galu, tarii ati qooda koo ta'uu dhiisuu dandeessa garuu sin jaaladha yoomuu koottu na hammadhu
waan garaa keetii rawwadhu" jettee ofitti qabdee dhungoodhaan erga haleelten booda, baay'ee rakkiftus
Olaanan cancala cabsee milkaaweera.
Lachanuu erga raawwatanii (jaalala hojjataniin) booda baay'ee of dadhaban,walboraafataniis
sillim jedhan.
Olaanan qoruumsa seensa yuuniversitii isaatif qabxii dabriinsaa bareedaa galmeessuun gara
yuuniversitii galuuf ramaddii eeggachaa jira.
Roobni girrisa roobu fi qilleensi birraa siddisa walii fi gadi raasu gannaan karaa lakkisi, birraan
gali jechaat jira. Waqxii uumamni hundi itti haroomu waqxii baruumsatis.
Olaanaan harmee isaatin mari'atee Bilisee baruumsa kutte gara addunyaa baruumsatti deebisuuf
ulaagaa hundaa guutefii jira. Biliseen gaafa Olaanan mana baruumsaa fudhatee galmeessu hin
amanne, dur kan akka jaalallee qofatti ilaaltu amma garuu waamarakoo addunyaakoo jetteeniirti.
Ramaddiin baheera, Olaananis gara yuuniversitii Mattuutti qajeele Bilisee haadha isaatitti
imaanaa kenneetin.
Biliseen baruumsa ishee eegalteerti. Qarshii galgala galgala hoteela keessa
hojjattuunis (erga lammaffaa qacaramtee booda) haadha ishee fi oobboleessa ishee gargaaraa
baruumsa ishee itti fufaa jirti maatii warraa Olaanaa dayeeffattee. Olaanan akka borumtii gara yuuniversitiitti imaluuf maatiin ollaa walitti waamee qophii addaatu
ture. Gaafas abbaan Olaanaa obbo Baalchaa Dinagdee fi obbolewwan lamaan Olaanaa Qananii fi
Milkiin kan iddoo kampaanii abbaa isaanii faana jiraatan dhufanii maatitti makamaniiru.
Warri kaan ni sirbu,kawwan kan akkaa Baacaa faan ammoo of-wallaalanii akka amala isaanii
rafanii abjuuyyuu jalqabaniiruu
Haati,abbaan,obboleewwan fi aantewwan hundi Olaanaa baay'ee gammadanii miira addaatin
guutamanii sirbaa jiru.
Olaanaan garuu Biliseedhan walhammatanii imimmaan jaalalaa walitti
roobsaa jiru kutaa Olaanaa keessa galanii. Abbaan Olaanaa obbo Baalchaa Diinagdee namootaa
sirbaa jiran keessa erga ilaalee dhabee, "jaranaa nutillee sirba tolchinee abbaan dhimmaa eessaa"
jedhee barbaachatti ka'e, gara kutaa Olaanattis qajeele.........Itti fufa.
🇬 🇦 🇱 🇦 🇹 🇴 🇴 🇲 🇦 🇦 !!!
👇👇👇👇👇👇
@humnajaalalaa
Barreessaan👇👇👇
@miss_man1
Yaadaaf @abakiyuma
>>Click here to continue<<