Kutaa 1️⃣9️⃣ffaa
ASOOSAMA GABAABAA
ONNEE DHUGAA
....Biliseenis faanaa baate. Olaananis ofirra garagalee" ihii Biloo mana fincaanii dhaquufmoo"
jedheen. "lakki Oliikoo waanan keessa kootitti itti dhiphachaa ture tokkon har'a baasee sitti
himaafan, Olii haalli amma itti jirru kun sitti tolaa jiraa,ana garuu na maraachufi, hanga yoomitti
ukkaamamnee yaadan wal gaanna, ani silaatii humnan qabu ati maalif callifta" jetten harka ishee
lamaan gateetti isaatirra naqxee.
"Maalan gochuun danda'a" jedheen. Biliseen harka gateettirra
naqxee turte qoma Olaanarra asii fi achi daddabarsaa ija xixiqqeessitee,akka qaana'uutis ta'aa
"Olii wanti fedhe yaa dhalatu,rakkoon fedhe yoo dhufe rakkoon amma rakkachaa jiruu kana hin
caalu,fudhadhuu naan badi" jetteenii hawwiishee dhumaa itti himte.
Olaanan akka rifachuu ta'e,gariinis gammade intala jaalatturraa gaafii NAN BADI jedhu gatii dhaga'eef. "Biloo
jiruun akka ammarra teenyee yaafnu kana mitii bari, ibiiddi halaalarraa yoo ilaalan ni barerda
hawwataadha,garuu gaafa keessa seentu gubaan isaa bareedina isaa isa dura hawwaa turte sana si
irraanfachiisa, mee ilaali Biloo tiyya anis atis homaa bu'uura tokkoyyuu hin qabnu booda gaabbii
keessaa bahuu hin dandeenyetti galuurra,ammuma yaa dhiifnu" jedheen.
"Olii waan nu jiraachisuuf hin rakkatin akkuman obboleessa fi harmeekoo jiraachisaa ture si waliinis jiraachun
nan dhibu,jaalalli jiraannan ammoo raafun cooma caala mitii, waaqni jaalalaas nun gatu"
jetteenii itti seeqaa sossobaa jirti.
"Biloo waan ta'u miti kun harmeekoo akkanaan na jaalattu kana
lapheeshee cabsuu hin barbaadu,ana mitii anaaf jettee siyyuu hanga si jaalataa jirtu ni agarta
mitii atis ammoo akkana si amantee maalif mufachiisuuf deemta hunduu ni qaqqaba tarii
eebbisanii waliif nu kennu ta'aa bar Biloo,amma gali boru haasofnaa" jedhee takkaa addashee
dhungatee biraa sokke. Biliseen akka saalfachuus taatee afuura dheeraa baafattee gara manaatti
ol deebite.
Bariin isaa dilbata,Olaanan subii ka'eetii balbala rurrukutuutti ka'eera. "harmee
harmee...........Bilisee.........jechaa balbala dhaanaa jira. Biliseen kaatee gaafa saanqaa saaqxu
Olaanan daaqonii fakkaatee balee(naxela)dhaan of maree karrarra dhaabbata.
"maalimmoo cuuphaa seetemoo har'a" jetten Biliseen. "qoosaan boodaatti siif haa dabruutii amma mana
amantaa nii deemtamoo hin deemtu" jedheen. Isheenis tole jetteenii walfaanaa maa amantaatti
kutan. Sa'aatiin barraaqa keessaa reefu sa'aatii 12 ta'uuf deema. Olaanaa fi Biliseen
walhammataniitii dallaa mana amantichaa jala nama tokko fakkaatanii taa'aa jiru.
"Har'a ammoo
maalif iddoo akkasii filatte Olii" jettee gaafatte. Iddoon boqonnaa sammuu itti
argadhuudha,iddoon itti abdii jireenyaa argadhuudha,walumaagalatti iddoon
jaaladhuudha,kanaafan naman jaaladhu siyi asitti si affeere. Inni kan biraas ammoo jaalala
kootitti akka amantaa guutuu horattuufan" jedheenii harka ishee lamaan qabee olkaasee
kadhannaa jalqaban…
Itti fufa.
🇬 🇦 🇱 🇦 🇹 🇴 🇴 🇲 🇦 🇦 !!
👇👇👇👇👇👇
@humnajaalalaa
@humnajaalalaa
Barreessaan 👇👇👇
@miss_man1
Yaadaaf gaaffii keessaniif @Abakiyuma
>>Click here to continue<<