طول ما هي بتلومك كتير على غيابك وتجوط معاك انت كدا في السليم ومكانتك كبيرة جواها وما تعتبرها نقة وتضايق منها وتخاف من كترة المشاكل
خاف بالجد من اليوم اللي إنت بتغيب فيه وهي ما تعاتبك عليه وتقول ليك عادي ما مشكلة صدقني دي ياداب حتكون الكارثة وأكبر مشكلة 😂 الأنثى ما زيك مختلفين تماما مهما كانت مضغووطة ومتنشنة وفي عز بكاها وضعفها بتحب تلجأ ليك حتى لو تبكي قدامك ما مشكلة
انت لما تكون مدروش ومضغوط وحاسس بضعف وألم بتدخل الكهف بتاعك وبتحاول تجد حلول منطقية لمشاكل وبتبعد منها لحدي تستعيد قواك وترجع ليها بروح جميلة ومعافية، لكن حتلقاها متضايقة وما حتقدر تستوعب إنك بعدت عشان مضغوط لأنها لما تتعب بتعمل عكس تصرفك دا، ولو طولت كمان الغيبة يمكن تلقى حاجات كتيره جواها اتكسرت واتغيرت يعني ممكن تكون اتعودت على غيابك وتقلل حنيتها وإهتمامها بيك، وعادي ممكن تفتكر إنك بقيت ما بتحبها وإتخليت عنها أو في واحدة تانية في حياتك او... او.... المهم مخها ممكن يمشي بعيد يلا الحل بسيط إياك ثم إياك ثم إياك تحاول لحظة إنفعالها تديها مبررات منطقية لغيابك او تجوط وتقول ليها إنتي ما بتحسي وانا شقيان وتعبان كم وردية في اليوم دا كله عشان منو مش عشانك و.... تاني بقول ليك إياااااك في اللحظات دي تقول كلام عقل عشان اللحظة دي أعقل واحدة فينا بتكون لاغية العقل 😂
خليك حرييف وأقطع جوطتها وعتابها ب (وانا كمان إشتقت ليك) هنا بتفصل سلكها الشغال 😁 وبتجوط أحاسيسها وفجأة بتاخد نفس عشان تستوعب كلامك وقبل تستوعب أديها الكبيرة قول ليها مهما بعدتني المسافة وشغلتني الظروف ( غيرك مافي جواي) لو ما ضحكت ليك وقالت ليك حرام ليك بحبك ياخ وهي اللي بقت تعتذر ليك 🙈
الأنثى طفلة 🥰🥰🥰
هنيئا لمن علم مفاتيح طفلته، حينما ترضى عنك تجعل حياتك جنة وإن سخطت عليك يا ويلاك 🙈😂
#كسرة :_ الكلام الحلو للمتزوجين والعاقدين الباقين الصبر سمح 😁
😴 كل زول يتعامل مع طفلته بي طريقته 🚶♀️🚶♀️🚶♀️✋🏻
>>Click here to continue<<