[[ صارت رقيه ]]
لولادة رقيه بنت الحسين ع
17 شعبان
بسبعطعش شعبان محلاها
صارت رقيه وبـــيها نتباها
🌹🌹🌹🌹🌹🌹🌹🌹🌹🌹🌹
فرحان ابوها ومـنسر هوايه
انولدت وصارت نور الولايه
هايه العزيـــــزه مدلله هايه
الينخاها مثل الزهره يلگاها
🌹🌹🌹🌹🌹🌹🌹🌹🌹🌹🌹
زينــــب تــلاعبها وتناغـيها
ضحكات تنثر گامت اعليها
مسرور الاكبر مبــتشر بيها
مــيلاد نجـــمه للنبي طاها
🌹🌹🌹🌹🌹🌹🌹🌹🌹🌹🌹
العباس تمسح فوگها چــفوفه
وتنـسعد هيـه لمـــن تشـــوفه
تلــزم بأيـــده وصعبه تعوفــه
ويبوس خدها ويضحك وياها
🌹🌹🌹🌹🌹🌹🌹🌹🌹🌹🌹
مثل الضوه هالليله وتــــلالي
هم غاليه وهـــم بزرة الغالي
خادم وفرحــه الليله تحلالي
والما نستـنه شلـــون ننساها
🌹🌹🌹🌹🌹🌹🌹🌹🌹🌹🌹
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
>>Click here to continue<<