🏴🏴 قصيده في حزن ام البنين على الحسين
الوزن فائزي
(شده)
ام البنين تنوح ظلت بالمدينة
وتصيح يالناعي دكلي احسين وينه
•••••••••••••••••••••••••••••
ام البنين اعلى السبط تبجي وتنادي
وتصيح ما عندك خبر بالله يحادي
يا بشر خبرني شجره لمهجه الهادي
محتار شيكلها اوتهل ادموع عينه
••••••••••••••••••••••••••••
يم البنين الله يعينج راح جعفر
وعون اللي طايح عالارض دامي مطبر
وعبد الله بالميدان يا ويلي تكنطر
وعباس ابنج كطعوا ايساره ويمينه
••••••••••••••••••••••••••••
كامت تنوح ام البنين وتهمل العين
وتكول فدوة تروح ويلادي الميامين
بس كون سالم بالضعينة يرجع احسين
نادى احسين بكربله حزوا وتينه
••••••••••••••••••••••••••••
ردت حزينه ام البنين وتلطم الراس
وتصيح راح احسين مني وراح عباس
يا ويل كلبي اتصوبوا من كوم الارجاس
ردت تون وتنوح للدار الحزينة
••••••••••••••••••••••••••••
راحت حزينة الزينب ويهمل دمعها
ولنها تشوف الحرة متغير وضعها
هذا الدهر غدار بالاخوة فجعها
تبجي عليهم والكلب زايد ونينه
••••••••••••••••••••••••••••
ام البنين تصيح آ يحسين يبني
ما عندي والي وراحوا الويلاد مني
سالم كلت وتعود تالي خاب ظني
دهري فجعني ورحت يالغالي امن ادينه
••••••••••••••••••••••••••••
شاعره اهل البيت
ام حسين الهلالي
اسألكم الدعاءلي ولوالدّي
لا اجيز شرعا ً حذف الاسم
https://hottg.com/gjjyfko
>>Click here to continue<<