مثل اخوهه العقيله مثل اخوهه
ماسبوهه سبتهم ماسبوهه
...........١.........
شلون بلاكمر زينب يهلناس
زينب خورست بلشام الارجاس
منو يصدك خدرهه بلايه عباس
وياهه اخوتهه بس روس وحموهه
هاي الالهه محد يلمح اخيال
مدري شلون تتجتف بلحبال
معقوله بحبل تنجر الاجبال
غيمه جروحهه وماعطشوهه
.........٢.........
تمشي ابلا ابو فاضل صارت شلون
تجر بيهم اخافن مو يجرون
اخوتهه علئ الرمح عفيه يصيحون
بعلي الكرار حكهم شبهوهه
من فوك الهزل وتحاجي بلروس
حلفت علعساكر زينب ادوس
خدرهه من ابو فاضل غيره متروس
وهلهه علئ المزامط علموهه
.........٣........
منهه يزيد جا ينطي الوجه وين
زينب فاطمه وعباس وحسين
باجر تنمحي كل العناوين
وتظل منتصره زينب بنت ابوهه
هاي اليعطشلهه الهوه والماي
بكثرتهم وصارت يمهم اهواي
زينب جان الهه الكافل افياي
وبغيره الكافل وصفوهه
..........٤........
من الخيمه طلعت بس شنو الجان
طالع ابو فاضل جنه زعلان
طلعت والله خله الجيش عميان
شافو كلشي بس ما وجدوهه
تدخل للقصر وبلايه خوان
ماترهم سمه اتطب علئ ديوان
كل الاكه خدر ام عون خسران
تشب غيره العقيله شما طفوهه
..............
من طف كربلاء الاخر الشام
جان حجاب زينب هوه الاعلام
هواي بصدر اخوهه نبتن اسهام
حتئ اعمامته هم سلبوهه
وكفت والهوه من سولفت طاح
مرات الحجي والموقف اسلاح
مشو وياهه حراس علئ الرماح
بدماهم بس ابد مافاركوهه
............
بشار السامي
>>Click here to continue<<