قصيده لهلال شهر عاشور
وزن نصاري
━━━•✿🪬✿•━━━
ماننسه يعاشور
ضحايا ذيج الگبور
خدرنه وذيج الأقمار
وشلون الزمن جار
نحر حسين منحور
━━━•✿🪬✿•━━━
ما ننساه ابد الصار لحسين
عليمن حاربوه گوم الملاعين
ولا سهم الغدر الصوب العين
كفيلي عالنهر ابلايه جفين
عمدهم هشم الراس
راح الحيد عباس
علينا ابنار هجموا حرگوا الدور
*ميــ✍️ـسم ام حسن*
━━━•✿🪬✿•━━━
بدمنه حسين باقي يامصابه
ماننسه ابد حرگت اطنابه
نبجي اعليه والذبحت شبابه
والمثلث گطع گلبه بناشابه
ضامي انجتل عطشان
هدومه امسلبه عريان
وخيل اعداه ترض عالصدر واتدور
*ام منــ✍️ــذر الحجار*
━━━•✿🪬✿•━━━
لاانسه الحسين ولانسه عباس
حسين اعله الترب بالخيل ينداس
عالخوان لگليبي الهضم جاس
راحواكل اخوتي رفعت الراس
اويلاه من الوداع
للناموا على الگاع
مشوا عنه وتهدم عالي السور
*العلويةام كــ✍️ـــرار الغالبي*
━━━•✿🪬✿•━━━
عليه اعداه صالت واغريباه
ويلي المات ضامي واه ويلاه
بچت كل الخلائق بالم تنعاه
ريت الموت اخذنه ومتنه وياه
مصابه بالگلب نار
ظليمة هالجره وصار
يابو السجاد يامن نحره منحور
*خادمة العقيلة ام احــــــــ✍️ــمد*
━━━•✿🪬✿•━━━
شينسه كربله يالخابريها
ودم حسين لسه يفور بيها
شكثر شبان وسدنه عليها
وظلت فاطمه تنوح لبنيها
قميصه تنشره كل يوم
تصيح احاه يمظلوم
مثل دمك ييمه اگلوبنه تفور
*أم محــــ✍️ــمد علي الشيباني*
━━━•✿🪬✿•━━━
شفت حسين وبصفه بنِيه
شلون انسه
الجره بذيج المسيه
عكب ام الخدر صرت السبيه
ابوي الي تعرفه انذال أميه
صارو بيه يشتمون
وعالكافل ينشدون
تروي مصابنه طيبات الخدور
*✍🏻أم عبــــــد اللــــــــــه العابـــــــــــدي*━━━•✿🪬✿•━━━
الك جمره بدليلي ابد تخمد
بقت لليوم نارك تظل للغد
وتراب الصحاري الحارعالخد
والك ماي الفرات عيال تنصد
انظرجاري الماي
تهل دموع عيناي
تبقى الدوم عبرتكم بالصدور
*ام محـ✍️ــمد الساري*
━━━•✿🪬✿•━━━
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd
>>Click here to continue<<