قصيده للعليله عليها السلام
وزن الوسيله المثلث
😭😭😭😭
صعبه من شالو ضعنهم عني الاحباب
وانه اون وابجي عليهم لازمه الباب
ودوعوني كل هلي
صحت بويه ورد الي
مسح دمع اعيوني بيده ودمعه سجاب
😭😭😭😭
هلت اعيونه ويضمني الصدره واينوح
هذا امر الله علينه ولازم انروح
لا تزيديني ابدمعتج حرگه واجروح
ساروا وشفت الروايه گامت اتلوح
ارجعت وادموعي تهل
واظلم ابعيني النزل
ادري هالسفره طويله ويبطي الغياب
*ام ستــــــ✍️ـــار الكعبي*
😭😭😭😭
شلون لو طول سفرهم هالغوالي
حيل عذبني الفراك وشده بالي
عيوني ذبلها سهر طول الليالي
مثل حال اليفگد اهله صار حالي
ياهوى الاتنفسه
الدهر ويايه قسه
من بعد عين الاودهم جرحي ماطاب
*ام منـــــ✍️ـــذر الحجار*
😭😭😭😭
جرحي ماطاب وبعد لاحيل بيه
لازمه الباب وانوح بكل مسيه
انطر احبابي عسه يعودون ليه
وافرح ابطبت ابو اليمه عليه
وهله يابويه اصيح
ويفرح گليبي الجريح
نار فرگاهم جوتني وجبدي عطاب
*أم محـ✍️ـــمد علي الشيباني*
😭😭😭😭
شلون بيه وهالسفر مامنه جيه
روحي تطلع لو اجت وكت المسيه.
راح من ايدي الابو الينشد عليه.
ردت عبد الله يظل يمي تجيه
همي بس هو يشيل
ردته للعازه كفيل
اخويه ماخلوه يمي شنهي الاسباب
*ام حســ✍️ــين عباد التميمي*
😭😭😭😭
ردت عبدالله الطفل لويبقى يمي
من يناغيلي اگولن هذا سهمي
وبتسامة ثغره تجلي عني همي
مابقالي لاابو ولاخيه وامي
وحدي مهمومه عليله
ونتي صارت ثجيله
اسال الوادم عليهم والهوه الهاب
*ام محـ✍️ــمد الساري*
😭😭😭😭
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd
>>Click here to continue<<