وزن حسيناوي فاعلن فعلن فاعلن فعلن
🏴🏴🏴🏴🏴
كل سنه ينعاد حزنك اعلينه
ابشهر رمضان فكده ياذينه
▪️▪️▪️▪️▪️
كل سنه وكل عام حزنك ايمرنه
ابشهر رمضان انفكده سيدنه
وسفه يابوحسين تبتعد عنه
لواجانه العيد من يمر بينه
✍️العلويه ام عباس البطاط
◼️◼️◼️◼️◼️◼️◼️◼️
وسفه يالمهيوب /صابو الهامه
وضلت مكدره كلها ايتامه
خلصت اويه الحيد كلها ايامه
الدهر والبين بالوه بالينه
الشاعره ✍🏻ام زين العابدين لمحمداويه
◼️◼️◼️◼️◼️◼️◼️
لو اجانه العيد نبقى مهضومين
الفكد ياذينه يا ابا الحسنين
تبقى دوم عليك تبجي دم العين
عليك متعلمين زين تدرينــــــــــــه
✍الشاعرة ام روكان الشمري
◼️◼️◼️◼️◼️◼️◼️
امعلمين اعليك// يا ابو اتراب
وسفه يا وسفات حيدره تنصاب
انفجع الأسلام ابشخصك الي غاب
والامام اليوم خلصن اسنينه
الشاعره✍🏻 ام رحمه الگاظميه
◼️◼️◼️◼️◼️◼️◼️
حزنك يظل دوم ياداحي البوب
من الله هذا عليك سيدي مكتوب
واليتامه عليك محتاره وتلوب
الموالي اليوم دم تهل عينه
✍️ ام محمد الساري
◼️◼️◼️◼️◼️◼️◼️◼️
كل سنه ابهل يوم روحي خلصانه
من يمر رمضان تكثر احزانه
اذكر امصابه ابعين عميانه
عگب ابو الحسنين ایتام ظلينه
الشاعره ام كريم طرفي
◼️◼️◼️◼️◼️◼️◼️
قناة رابطة مسلم ابن عقيل عليه السلام
🕊قناة مسلم بن عقيل ع🕊
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري
تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدعاء
خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd
>>Click here to continue<<