Gaafan corroqaa dhugee
Daaraa keessaa ciisee
Miilan fagaadhus sirraa
Yooman sii yaaduu dhiisee
Siifan okkolaa deema
siifan dhukkubsadha
Siif fayyuu dadhabeen
onnee kulkulfadhaa
Yaaddoo jaalala keetiif
mataan naa nanna'aa
Coba bishaan jaalala keenan
Akkatti mama'aa
Ekamee sareetoo elamee yaa tiruu
Kan akka koo sii jaalatuu-
kan biraan hin jiruu
Gaafa dogoggortuu harkaa-sii rukutuu
Duuban Akka saree-dhoksee siin kukkuutu
Siin suphaa madaakee malee-sin waraanu
Madaa keef qorsaa ta'ee-ana kan wal’aanuu
Waa’ee keef keessiikoi tasaa
hammeenya hin baatuu
Garaa kee sii ciibsuudhaf
Kan yeroo hunda kaatu
Dirraa koorraa baaseen-dirra keetti uwwisaa
Daba nattii yaannaan-dhugaa sii cubbisaa
Ati hin du'in jedheen-harkaa kiyyaa dhiigee
Utuun arguu abidattii-si oolchufaan fiigee
Jabaa jaalala keef-siif diriirsee ceekuu
Siif gaarummaa malee-an hammeenyaa hin beekuu
Gatii qoodaa jaalala-naaf laattus summii jibbaa
Utuun sii mararsiifadhuu-narraan geessus dhiibbaa
Tarii natuu dabee- hammeenya kee yaadee
Jedheen gubaa jaalala kee- dhoksattii qadaadee
Haphii arraba keen- as labdee achii labdee
Qoodan siif yaaduu gaarii- ati nattii dabdee
Yoon siif kennee dibaabe- keessaa deemuu aduu
Ati kan dhamaatu- akkan du'ee badu ..
#Boom
>>Click here to continue<<