( بِسۡمِ ٱللَّهِ ٱلرَّحۡمَٰنِ ٱلرَّحِيمِ ) الفَاتِحَة : ١
به ناوی خوای بەخشندەی میهرەبان (به ناوی ئەو خوایەی كانگای ڕەحمەت و سۆزو بەزەییە).
( ٱلۡحَمۡدُ لِلَّهِ رَبِّ ٱلۡعَٰلَمِينَ ) الفَاتِحَة : ٢
سوپاس و ستایش هەر شایستەی خوایه و بۆ خوایە، که خاوەن و پەروەردگاری هەموو جیهانیان و هەموو بوونەوەره.
( ٱلرَّحۡمَٰنِ ٱلرَّحِيمِ ) الفَاتِحَة : ٣
بەخشندەی میهرەبان، کانگای ڕەحمەت و میهرەبانیه (ڕەحمەتی له دنیادا هەموو شتێکی گرتۆتەوە، بەڵام له قیامەتدا تەنها بۆ ئیماندارانە).
( مَٰلِكِ يَوۡمِ ٱلدِّينِ ) الفَاتِحَة : ٤
خاوەن و سەرداری ڕۆژی پاداشت و سزایه (پادشای ڕۆژی قیامەته که دادپەروەری ڕەهاو بێ سنووری تێدا بەرپا دەکات).
( إِيَّاكَ نَعۡبُدُ وَإِيَّاكَ نَسۡتَعِينُ ) الفَاتِحَة : ٥
خوایە، تەنها هەر تۆ دەپەرستین و هەر لەتۆش داوای یارمەتی و پشتیوانی دەکەین (له کاروباری دین و دنیاماندا، بەکەسی تر له بەدەکانت ناکرێت).
( ٱهۡدِنَا ٱلصِّرَٰطَ ٱلۡمُسۡتَقِيمَ ) الفَاتِحَة : ٦
خوایه بەردەوام ڕێنمووییمان بفەرموو بۆ ئەم ڕێبازی ڕاست و دروستی ئیسلامە.
( صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ ) الفَاتِحَة : ٧
که بەرنامه و ڕێبازی ئەوانەیه له نازو نیعمەتی خۆت بەهرەوەرت کردوون، نەمانخەیته سەر ڕێبازی ئەوانەی خەشم و قینیان لێگیراوه (بەهۆی ئەوەوه دەیزانن و لایانداوە)، هەروەها نەمانخاته سەر ڕێبازی ئەوانەش، که سەرگەردان و گومڕان (بەهۆی لاساری و یاخی بوون و نەزانینیانەوە)
ــــــــــــــــــــــــــــــــــــــــــــــــــــــــــــــــــــــــــ
💫🌸 #قورئانی_پیرۆز_تەفسیری_ئاسان
{37}
>>Click here to continue<<