أنچفي عل الگاع خرزات المسابح
تعبي
وسنيني
ولهفتي
وذلتي
يا حنين الجاي مني ومني رايح
بس تعال وكلشي يوجعني الك يفلان طايح
اكتب عليك اني رغم البية نافذ
ياحبيبي
كل سطر منك ثلم من جرحي ياخذ
يا حبيبي
اني والليل وغموض بوجع راسي
مدري ساكر بيك مدري الشوگ كاسي
موقف الذكرى اغتيال وانت داري
ردة افعالك صراخْ
واغتيالك موت كاتم
بعيني... حطيت انت ظهرك
واني حطيت بظلامك الف خاتم
صوتك بأذني ابد ماغاب ليلة
حجل عاهر ترگص بنص جرح روحي
انت يل خليتني اطمح تالي وكتي
الطمح اتمنى اعرفنة طموحي
خاتل بحبك ... سمارك جوة دلة
والسنين واني ادورني واتيهن
انت مريت عل سوگي
ومن شفت عينك صرت خفة لشوفك اني ابيعن
رحت انتَ
وهسة كل ضحكة تلاگيني اشوفنها وطن متعني طولي
كل حضن من دون ماشوفة احسّنة حلولي
هسة كل خنجر ينام بحضني اجرحة
من كثر ما غبت عني صرت اكبر من شعوري
لا يهزني الناي لا حزني ولا تگدرلي ضحكة
حسين ناجح
ورغم هذا المكتوب بالقصيدة احبك
>>Click here to continue<<