خيالك علي مع كل شبه صباح يغير
‏وذكراك لا جاء الليل جتني ركايبها
‏ㅤ
‏خيالك ما هو بالطب لكنه التخدير
‏وذكراك طرد رقاد عيني مطالبها
‏ㅤ
‏فلا مصبح مثل العرب طيبٍ وبخير
‏ولا ممسي مثل العرب من سبايبها .

" انا في وجهك من الشوق و الحزن الرقيق
وانا ما عندي على قوّ شوقي لك جهد " .

‏لا يحزنك هاجس الفرقى وكَبت الشعور
‏وظروفنا اللي شتاها أحر من صيفها

‏أهم حاجة محبتنا .. وباقي الأمور
‏إن زانت تزين وان ما زانت بكيفها . .

صورتك في خافقي منحوتٍة نحت
ليت الشعوّر اللي بدا ينتهي لك

البوح بعض احيان يتفسر بصمت
وعزّي من صمتيّ وياعزتي لك

كم جيت باقولها " يامحمد اشتقت "
بس للظروف احكام ترفض اجي لك

رحت ورجعت ومن كثر ماترددّت
انهدّ حيلي وانت مانهدّ حيلك .
⠀⠀ ⠀ ⠀ ⠀⠀⠀

‏يومنا ماندري بكره نعيش ولا نموت
‏ورى مانجي ندوّر على فررصة مواجه
‏ㅤ ㅤ
‏ودي إنك تساعدني قبل لا يفوت الفوت
‏مابي أترك الدنيا وفي خــاطري حاجه.

احبّك الله يلعنك . .

عليك يا لاهي مع الناس السلام
‏تشوفه لـ وهله سلام .. وهو عتب

‏من كثر ماحبّك طلبت الإهتمام
‏وأنا ادري إنه ينعطى ما ينطلب

‏غاليك من فوق الثرا تحت الغمام
‏يدوّر لـ ساعة لقى وجهك سبب

‏ترا الغياب إن طال نوع من الخصام
‏واللي يخاصم من يحبّه .. ما يحب :)

ما زلت لاهي و أنا من غيبتك ما ألها
‏كنّي عن علوم غيرك فـ العمر منهي

‏ما زلت أناقش خفايا الروح و أسألها
‏الحاجه اللي تعوِّض غيبتك وش هي ؟

ما هقيت الفراق يطول
‏كنت اظنك بتجي مشتاق :)

‏ودي إني بين إيديك أرتاح من عقب جهدي
ما تحس إن الليالي طوّلت وأحنا وقوف :)

ياللي غيابك يستثير أشواقي
‏لا عاد تجرح خاطري بغيابك

‏صبحني بصوتك وخل الباقي
‏أنا صباحي ما يزين الا بك !

عزي لمنهو صد عنه حبيبه
‏وكمل حياته بالشعر والتمني

‏عايش على قولة زمانه يجيبه
‏يبكي على خله وخله يغني :)

عساك تحس .. وأطري على بالك

ما نسيتك .. لو تغيبك السنين
‏والليييالي عنك .. ما ردّت خبر

‏والله اني .. كل مايقسى الحنين
‏رحت افتش فـ الرسايل والصور :)

تعال شوفني اخر الليّـل محتار
‏اقرا قصَييد الناس و اذكر عيونك. .

حاولة بقاء المحبه والموده اما الان لايجدر بنا البقاء , فـ الاهتمام لا يكلف شيئاً لكنّه يعني الكثير الاهتمام سيد البقاء والإهمال بداية الرحيل عندما يرحل الاهتمام لا فرق بين البقاء والغياب , لا يهدم قصور المحبة إلّا ثلاثة كثرة الخطأ ، وكثرة العناد ‏وقلة الاهتمام فـ الاهتمام يأتي من طرف واحد والطرف الثاني لايجيد الاهتمام والمحبه وحتى الموده للاسف ف الان نقول - الى اللقاء و دمت سالماً ي ذاك الوجه السمح - 🩶.

لا جفاك اللي تحبه فلا تلحق وراه
ماجفاك الا وهو وده انك تقطعه

عز نفسك عن تقفاه لا لقى قفاه
مخبل اللي كل ما اقفى وليفه يتبعه

وش تبي باللي مايبغيك يامال الغناه
ماورا طرد المقفين رزق ومنفعه

والله لو انه يحبك ماسوا ذا السواه
كان يمدي دافع الشوق صوبك يدفعه

من تخلى عنك ماتفرق الفرقى معاه
لا يغرك من يقولون لك تفرق معه

فالزمن لا تحافظ الا على فرض الصلاه
اصبعك لا أوجعك قصه وفك من وجعه

الحياه ابسط من انك تضايق فالحياه
لا تكدر خاطرك وامر ربي من سعه.

‏كل الأسف للمشاعر الي انعطت ولا تقدرت . .

نصيحّه : ‏حبو الشخص الي يعيشكم شعور البدايات مهما مرت الشهور والسنين ومايتغير عليكم ‏انتبهو تشتاقون لـ شخص وهو مبسوط بدونكم " انتبههو" وتمنّو من الله إن ماتختلف عليكم الوجيه اللي حبيتوها ، تمنّو ماتهتز الثقه ويتلاشى الأمان 🤍.