*قصـيده للسـجآد ع*
_______________________
الليله نساعد الزهــره بمصيــبتهه
على السجاد صبت ويلي دمعتهه
تنادي يالولد منهه الكلب نحلان
هاي ام الحسن عيننه يانسوان
عالسجاد مهظومه وبجت بحزان
وين الي اجت هليوم واستهه
✍🏻 *الشاعره مريم العبوديه اسيرة الاحزان 💔
🏴〰🏴〰🏴〰🏴〰🏴
واسنها الزجية بلطمة رنانه
عالميت صبر بسموم عدوانه
قيد الجامعة لسه بذرعانه
اثاره وسبي الشام ومصيبتهه
✍🏻 *العلوية أم منتظر جمال الديــــــــــــن*
🏴〰🏴〰🏴〰🏴〰🏴
اه يالشام بي شافوا عذابات
عليــل امگيدينه ابين شمات
علــه التربان نام وبالخرابات
والزهره ابمصابه اتزيد علتهه
*زيـ✍️ـنـب خـضـر الـواسـطية*
🏴〰🏴〰🏴〰🏴〰🏴
عكب ضيم الطفوف وذبح الامجاد
محزونه تنوح اليوم لسجاد
ذاب افادها بسم زين العباد
تون ليامصيبه اليوم ونتهه
✍️ *ام حسين الحلفي*
🏴〰🏴〰🏴〰🏴〰🏴
نعازي ام الحـسن وبدمــعة العــين
اليوم تون عليه مفكود ابن حسين
سمــو جبــدتــه گـــوم الملاعيـــن
نــزلــت للـــجنازه اليــوم شالــتهــا
✍️ *الاء الطائي*
🏴〰🏴〰🏴〰🏴〰🏴
شالتها وتصيح ابصوت يوليدي
حاربني زماني اعليكم اشبيدي
شي مسموم شي مطعون بوريدي
وعملت كربله وزينب ولوعتهه
✍️ *ام احمد الهاشمي*
_______________________
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 25 / محرم / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
>>Click here to continue<<