لاستشهاد امير المؤمنين علي ع
نصاري
━━━━━━━━━━━━
ريته لا يجي اولا يجبل العيد
ابونه حيدره شايل تره ابعيد
نهل دمعات العيون
نون ولكلب محزون
ريته لا يجي اولا يجبل العيد
━━━━━━━━━━━━
شلي بالعيد عكبك يبو الايتام
تون ونات روحي وليلي مانام
حزني الفركتك ايطول اعوام
اعزاز الكلب يرحون
نون والكلب محزون
ريته لا يجي اولا يجبل العيد
✍🏻الشاعره مريم العبوديه اسيرة الاحزان 💔
━━━━━━━━━━━━
حزينه وفركتك تجرح الدلال
وافراكك يبويه علي كتال
الدنيا خانتك والوكت ميال
صعبه ياعلي اشلـون
نون والگلب محزون
ريته لايجي اولا يجبل العيد
✍️ام احمد الهاشمي
━━━━━━━━━━━━
شفت نعشك يبويه شايلينيـــــه
عله وجه العيــد حيدر دافنينــه
زينب بالهظم ضلت حزينـــــه
حيدر علي مدفون
نون والكلب محزون
ريته لا يجي ولا يجبل العيـــــد
ام وليــــــ✍️ــــد. الموســــــــــــــوي
━━━━━━━━━━━━
ريته العيد لا هل لا اجه ابساع.
شلون افرح وابوي بطية الكاع .
يربي من علي ماكفه الوداع .
والله فراكه ميهون
نون والكلب محزون.
ريته لا يجي ولا يجبل العيد.
✍الاء الطائي
━━━━━━━━━━━━
يفراگ الابو يصعـب عليـنه
ولك ياعيد بعد المن تجـينه
هــلاله حيدره وامفارگـيـنه
اولاده اعليه يبچون
نون والگلب محزون
ريته لا يجي ولايجبل العيد
زينــ✍️ــب خضر
━━━━━━━━━━━━
ياعيد اليجي يلفينه منريد
وشايل بي علي حيدر الصنديد
ونات اليتامه ابصبحك اتزيد
گـطعنه منه الضنون
نون والگلب محزون
ريته لايجي ولا يجبل العيد
ام سـ✍️ـجـاد العسكري
━━━━━━━━━━━━
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 11 رمضان 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
>>Click here to continue<<