لأنو الشرك أعظم جرم في حق ربنا عز وجل
ربنا خلقنا عشان نعبده، وده حقه علينا، فاتخيل تشرك مع ربنا في حقه مخلوق ضعيف حقير لا يسوى شيء، وتعبده معاه، وربنا غني عنك وعن كل مخلوق، وهو العزيز
طبعا قد يقول معظكم، فعلا دي حاجة بديهية يعني وما محتاجه نقه كتيرة، هو الزمن ده في مشركين! الناس كلهم واعيين ومسلمين!
للأسف ده ما الحاصل 💔 الشرك بقى ذي شراب المويه 💔 وفي بلدنا دي خاصة
واصلا لو اتدبرت القرآن ربنا قال: " وما يؤمن أكثرهم بالله إلا وهم مشركون"
مثلا:
توحيد الربوبية إنك تفرد ربنا بالخلق والرزق والاحياء والاماتة والتدبير...
يجي زول يقول ليك الشيخ بدي الجنى!!! فده أشرك بربنا شرك أكبر مخرج من الملة، لانو ربنا هو البخلق وحده
ويجي واحد يقول ليك الشيخ بنزل المطر، وبحيي وبميت، وشيخو بقول لي الشيء كن فيكون، والكلام ده منتشر بلسان شخص مرتبته انو دكتور في الجامعة؟ 👀فتخيلو!
يعني ده يصنف انه زول واعي صاح؟
وتوحيد الربوبية ده المشركين كانو معترفين بيهو وبعد ده ما طلعهم من الشرك، ونحن والله المستعان حتى البسمو نفسهم مسلمين عندهم خلل فيهو 💔
>>Click here to continue<<