ــــــــــــــــــــــــــــــــــــــــــ
قصايد الشهيد محمد الصدر للشاعر / علي محسن الزيادي
عفتنه بيا سبب رحت وعفتنه يبو مؤمل يريتك لو شفتنه
المن نشتكي وياهو اليشكّيــنه
*********
صفـات المـرتضى ﭼـم وحده شايلها ﭼنت گــاع العليهــا أتمــر تـزلزلها
ومثــل جــدك ﭼنت للــرايـه كــافلها وصرت خيمة يتـامـاهـــا وأراملـها
عجيبــه المثلك يسافــر عجيبه ويعـوف أيتامه محتاره وغريبه
ينــادونـك بعــد محّــد يمــر بينــه
******
گَبل لــو حـالـــه مــرّت بينه تهضمنه نجيلك نشتكي والصدرك أتضمنه
نحس ﭼن حضنك الدافي حضن أمنه يــوسفه الموت منك بويه يحرمنه
حرمنه البين من عطفك حرمنه وفرح شفنه بخبر موتك خصمنه
خــذانــه المــوت مـن بلك تمنّينه
*********
مثــل حيدر ﭼنت مــن تجمع أحبابك وخـالـي مـا تـرجعه اليوگف أببابك
إلك يشهــد ﭼنت بكّــــاء محـــرابـك يمحمـد يمــن عــــدوانك أتهـــــابك
دمعتك تجـري بس لله دمعتـك وجنت للفقره تنطيهم خبزتك
فقــره احنــه ويتـامه اليوم ظلّينه
********
نــروح المنبــر الجمعـــه ونسـولفلـه حبيبـــك مــا يجيـك أنسأله ونگلّـــه
مجان اﭼفوفك أنشم عطـره ونقبلـــه ونكَلّــه ويــن أبـونه اليرفض الذلّــه
إخبــره بـلا ولـي ظلّينه اخبره وكسرنه يا هو من بعدك يجبـره
رحت يــالمحّـد إخـلافك يداوينه
*********
يمحمّــد تطــر گبــرك تعال وشـوف صار المنكـر بهذا الوكت معروف
نعاين كل كتر مشهوره ضدنه سيـوف نجيب منين عباس اليضحّي اﭼفوف
ذبايح شيعتك خلصت ذبــايح وﭼــم شاب اندفن بدمومه سابح
تعال اسمع يبو مؤمل بواﭼينــه
*******
لا تنسـونـا بـالـدعـاء (طباعة الرادود سيد علي الصرخي)
>>Click here to continue<<