صباح الخير يا أصدقاء ، حاولت أنتهي من مهام كثيرة عشان أتفرّغ لكم وأنصحكم بخصوص القدرات .. مو عاجبني شكل الخاص وهو مُهمل بسبب إنشغالي المستمر وللأسف ما أبالغ ولكن ما عندي قدرة إستيعابية كونية تخليني أرد على الجميع لذلك اعذروني مرة ♥️
إذا هذي فرصتك الأولى بالقدرات ؟ ومو عارف دورك فيها
أنا بقولك الخطوات إللي مشيت عليها بشكل بسيط ومختصر جدًا
١ / تأسيس ضروري مرة يكون عِندك أساس قوي، أنصحكم بـ كتاب المعاصر ٦ بلس او ٥ إللي ودك فيه ، المهم ! التأسيس هو الأهم ؛ ليه بالذات المعاصر ؟ لأنه مصدر شامل راح يغنيك عن الباقين تمامًا ! تأسيس وتدريب + قبال كل صفحة موجود باركود إدخلوا عليه يدخلكم على الشرح ،، الكتاب رائع مرة وانا استفدت منه وكثير
٢ / تدريب ، ولان الخلاصة تقول الأول يكمّل الثاني — الممارسة يكمل الأساس ، حاولوا تحلّون تجميعات قدر المستطاع ، أدري بتملّون من المعادلات والارقام والمقارنات واشياء كثيرة مرة ، لكن ضروري تاخذون إحتياجكم من التجميعات !! مهمة مهمة مهمة ، ثلاثًا : التجميعات ارفقتها فوق ، ٣ سنين كفاية
٣ / واللفظي ؟ الكورة حاليًا بملعبك، تأسيس من قناتين على الاقل
" إيهاب او التدريب هو الحل أو دار الحرف "
بعدين هوبا على التجميعات لانها تكفي
٤ / التقفيلات ؟ كهف الفيلة ؟ والتكميلية وكلام كثير ؟
أنا شخصيًا مو يمّه ابد ، اللي علي سويته كـ أول فرصة
+ توكلوا على الله وإعرفوا الآن يقينًا ؛ (وَمَنْ يَتَوَكَّلْ عَلَى اللَّهِ فَهُوَ حَسْبُهُ) ، وحاولوا تسهلّون على روحكم وتطبطبون عليها بحلو الكلام وتكون لك القابلية بالاعتياد ونهايةً الله يتولى كل قلب وينوّله مراده ويوفقكم أجمعين واذا تبونها بالفم المليان ؟ انا كلّي ثقة فيكم 🤎
>>Click here to continue<<