إيران… مو بس بلد أدرس بيه، صارت وطن ثاني إلي بكل معنى الكلمة.
من أول يوم إجيت بيه لهالبلد، حسّيت بحرارة قلوب الناس، بالإيمان اللي يملأ الشوارع، بالعزة اللي تنبض بكل ركن. يوم ورا يوم، صارت إيران مو بس مكان أقضي بيه سنين دراستي… صارت قطعة من روحي، صارت بيتي، صارت الأمان، وصارت الدرس الحقيقي بالحياة.
اليوم، وأني أعيش وياكم هاي اللحظات العصيبة وأشوف شلون هالبلد واقف بكرامة بوجه أعتى طاغوت، شلون ما هزّه تهديد، وما خضع لقوة، أحس بالفخر وكأني وحده منكم.
إسرائيل مو أول ظالم، بس إيران علمتني شلون نقف بوجه الظلم، مو بالشعارات، بل بالفعل، بالإيمان، بالتضحيات.
أني طالبة من بلد ثاني بس قلبي اليوم ينبض بنبض إيران، دموعي إذا نزلت تنزل لأن أحس هذا الألم ألمي، وهذا الصمود صمودي، وهذا النصر اللي جاي… هو أملنا كلنا.
اللهم احفظ إيران، احفظ رجالها، شبابها، نساءها، جيشها، علمائها، وشهداءها.
واجعلها دايمًا راية للحق، وصوت للمظلوم، وسند لكل من يرفض الذل
دعواتكم لنصرتهم ❤️
#علوية_بسم_الله_الحسني
>>Click here to continue<<