(﷽)
✨خدمة محبي باسم الكربلائي تقدم:
📜 أبوذيات: في حق مسلم بن عقيل
🔖 المناسبة: استشهاد مسلم ابن عقيل (ع)
https://hottg.com/m7bebasim/31050
حمل مسلم جفه الدنيه وجرها
و جمراته الحزن بينه وجرها
الظالم جثته اسحبها وجرها
ابحواري الكوفه بحبال الرزيه
▪️▪️▪️▪️▪️
أناشد روحي وأسألها شبيهه
تقلي مسلم الناري شبيهه
مصابه ما أظن يحصل شبيهه
رموه امن القصر واهوه رميه
▪️▪️▪️▪️▪️
يتيمه بالدهر تفرح أبوها
وعله ادروب الهضم و الهم أبوها
حميده انفجعت ابغيبة أبوها
يتيمه وجارت اعليها المنيه
▪️▪️▪️▪️▪️
أنا مسلم وعندج ضيف هاليل
فرحت طوعة ومنها الدمع هليل
على رحب وسعة والوجه هليل
ابسرور تفضل ومنه عليه
▪️▪️▪️▪️▪️
الدهر غرب هلالاته واهلها
ودمعتي هموم اذرفها واهلها
والكوفة خانت مسلم واهلها
وغريب انجتل ما بين آل امية
▪️▪️▪️▪️▪️
يهالمضعن بضعن الأهل وسفة
مسلم طاح بين ارجاس وسفة
من قصر الامارة رموه وسفة
وسحبوا جثته بحبل الرزية
▪️▪️▪️▪️▪️
اشما للقلب من دنياي مسلم
اظل طيِّب أظل و الدين مسلم
يصب دمع المصاب أطفال مسلم
ياريت الصار بيهم صار بية
▪️▪️▪️▪️▪️
إذا ماتت الحرمه حرمه آنه
و لغير أهل الرساله حرمه آنه
شربت الماي أمشي حرمه آنه
وقوفك يالغريب إيعيل بيه
▪️▪️▪️▪️▪️
يقلها هم مثل أنج تراني
و أخاف إعيون عدواني تراني
ياطوعه ما عرفتيني تراني
من أهل الشرف و أهل الحميه
▪️▪️▪️▪️▪️
إحجي لا تضم سرك من أهلك
غريب وواجبي لجلك من أهلك
يا هذا ما تعلمني منو أهلك
أحسك مو غريب إنت عليه
▪️▪️▪️▪️▪️
أنا قبل الرساله مسلم آني
و أبد لأهل الضلاله مسلم آني
سفير حسين آني مسلم آني
و تره عمي علي حامي الحميه
▪️▪️▪️▪️▪️
تقله يا هله إبريحة علينه
و إحنه إبسيفكم حيدر
إشكبر حظنه ويمر شخصك علينه
و لا عوفك لمن تلفي المنيه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*
>>Click here to continue<<