ئاگاداری...
بۆ ئەو خوشک و برایانەی بەشداری تاقیکردنەوەی نۆیەمی کەناڵی بەکورتیان کردبوو، دەتوانن لەڕێگەی ئەم لینکانەوە بڕوانامەکانتان وەربگرنەوە
1. ئەو بەڕێزانەی نمرەی 100 هێناوە دەتوانن لەم لینکەوە بڕوانامەکانیان وەربگرنەوە
https://hottg.com/CERXULI9N100
2. ئەو بەڕێزانەی نمرەی کەمتر لە 100 هێناوە لەڕێگەی ئەم لینکەوە بڕوانامەکانیان وەربگرنەوە
https://hottg.com/CERXULI9NMRAY99
3. بۆ ئاسانکاری بەشێوەی أبجدی بڕوانامەکان ڕیز کراون، بەوردی بگەڕێن لە بڕوانامەکان دڵنیا بن بڕوانامەی هەمووی دانراوە.

وەصفی ئافرەت بۆ مێردەکەی
پرسیار:
تا چەند دروستە ئافرەت وەصفی جوانى هاوڕێکانى بکات بۆ مێردەکەى؟
وەڵام :
پێغەمبەرى خوا ﷺ دەفەرموێ:
((لا تباشر المرأة المرأة فتنعتها لزوجها كأنه ينظر إليها)). رواه أحمد في المسند والبخاري وأبوداود والترمذي (حديث صحيح)
واتە: با ئافرەت وەسفی جوانی و شۆخ و شەنگی ئافرەتێكی تر بۆ مێردەكەی نەكات بەو شێوەیەی، كە وا لە مێردەكەی بكات تەماشای بكات و ئاواش وەسفی دەكات، كە دەیهێنێتە پێش چاوی.
ئەم تەوجیهەی پێغەمبەرﷺ، دەرونی ئادەمیزاد بە دیار دەخات و دەیناسێنێ و مەترسى یەكەشی دەخاتە ڕو، كە زۆر جار بە هۆی وەسف كردنی ئافرەتێك بۆ پیاو دەبێتە هۆی ئەوەی دڵی پیاوەكە بۆ لای ئافرەتە وەسف كراوەكە بچێ، نیازی خراپی هەبێ و ئافرەتەكە ببێتە نێچیری خۆشەویستی.
ئیبن القیم ڕەحمەتى خواى لێ بێ دەفەرموێ : ئەو شتانەی دەبنە هۆی خۆشەویستی بۆ خۆشەویستراو چوارن:
یەكێكیان: تەماشا كردن بە چاو، یان بە دڵ، كە بۆی وەسف دەكرێ، چونكە زۆربەی خەڵك خۆشەویستییان بەبێ بینین بۆ دروست دەبێ.
جا لەبەر ئەمە پێغەمبەرﷺ حەرامی كردوە ئافرەت وەسفی ئافرەتێكی تر بۆ مێردەكەی بكات..روضة المحبين ص ٨٨
-----------------------
#بەکورتى (٣٩٣)
https://hottg.com/ba_kurty

ئاگاداری و مژدەیەک بۆ هەموو خوشک وبرایەکى موسڵمانى شوێنکەوتوى سوننەتى پێغەمبەرى خوا صلى الله علیه وسلم
ئاگادارتان دەکەینەوە کە لە سبەینێ وە (دوو شەممە) ڕۆژووگرتنى ڕۆژه‌ سپییه‌كان (أیام البیض) واته‌: (١٣،١٤،١٥)ى مانگى شەووال دەست پێ دەکات کە بریتیە لە (دوو شەممە و سێ شەممە و چوارشەممە)
------------------------------
وە بۆیه‌ پێى ده‌وترێ (أیام الیض) چونكه‌ مانگ له‌و سێ شه‌وه‌یدا زۆر ڕووناكه‌و دیاره‌.
---------------------------
جا گەر توانیت ئەوا هاوسەفەرى کاروانى ڕۆژوگرانی ئەم سێ ڕۆژە بە
وە ئەگەر ناتوانیت ، ئەوا یادی کەسانى ترى بخەوە وئەم پۆستە شەیر بکە
چونکە تۆ نازانى کە کێ بەهۆى یادخستنەوەکەى تۆوە بەڕۆژوو دەبێ!
-----------------
ماڵپەڕى بەهەشت
ba8.org
ماڵپەڕی وەڵامەکان
walamakan.com

ڕێگاکانی خۆ پاراستن لە زینا
پرسیار:
وەک ئاشکرایە فەسادی و خراپە زۆر بووە جا گەنج چۆن خۆى لە زینا و داوێنپیسی بپارێزێت؟ ڕێگاکانى خۆپاراستن لە زینا کامەیە؟
وەڵام :
١. ڕێگری کردن لەزینا و تێکەڵ بوونی ئافرەتان بەهەر بیانوویەک بێت .
٢. ئاسان کاری لەمارەییدا :
کاتێ کە کەسێک دێتە داوای کچی کەسێک پێویسته گەر لەڕەوشت و دینی ڕازی بوو بیداتێ گەرنا فیتنە وداوێن پیسی بڵاو دەبێتەوە ، پێغەمبەری خودا ﷺ وهاوەڵان زۆر ئاسان کاریان دەکرد لەمارەییدا .
٣. دەرنەچوونی ئافرەت بەبێ مەحڕەم وکاتێ دەردەچێت بۆ پێویستیەک دەرچێت .
٤. دەرنەچوونی ئافرەت لەگەڵ شۆفێری نامەحڕەم دا بەهیچ شێوەیەک .
٥. ڕێگری کردن لەخەڵوەت دروست بوون لەنێوان پیاوان خزمەت کاراندا .
٦. ئاگادار بوون لەو هۆکارانەی کەدەبنە یارمەتی دەر بۆ زینا کردن .
٧. ئاگادار بوون لەسەرەنجامە خراپەکانی زینا .
٨. دوور کەوتنەوە لەتەماشا کردن و نەزەرکردن لەتۆڕە کۆمەڵایەتیەکان و تەلەفیزۆن ...هتد .
٩. زۆر بەڕۆژوو بوون .
١٠. خەڵوەت نەکردن لەگەڵ ئافرەتی نامەحرەم دا .
١١. گوێڕایەڵی کردنی خودا وپێغەمبەرەکەی ﷺ ، ئەوەش بەجێ بەجێ کردنی فەرمانەکانیان ودوور کەوتنەوە لەو شتانەی ڕێگریان لێ کردووە .
١٢. هەڵبژاردنی مەجلیسی چاک وساڵح :
ئاگاداری هاوڕێی خراپ بە وپێویسته لەسەرت ئامۆژگاریان بکەیت وهەوڵ بدەیت هاوڕێیەتی کەسانی چاک بکەیت .
١٣. بەردەوام بوون لەسەر خوێندنی قورئان :
قورئان وەعد و هەڕەشەی تێدایە بۆ ئەو کەسانەی کەکاری داوێن پیسی ئەنجام دەدەن .
١٤. ئەنجام دانی نوێژەکان لەمزگەوت :
بێگومان پشت بەخوا نوێژ دەبێته ڕێگر لەکردنی کاری داوێن پیسیدا : {إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ } ( العنكبوت٤٥ ) .
واته : به‌دڵنیایی نوێژ قه‌ده‌غه‌ی خه‌ڵكی ئه‌كات و ده‌یانگه‌ڕێنێته‌وه‌ له‌ خراپه‌كاری و تاوان و هه‌ر شتێك كه‌ پێچه‌وانه‌ی شه‌ریعه‌ت بێت .
١٥. بیر کەرەوە لەسزای خودا بۆ ئەو کەسانەی کە کاری داوێن پیسی و تاوان ئەنجام دەدەن .
-------------------------------
#بەکورتى (٣٩٤)
بۆ زانیاری زیاتر سەبارەت بە (زینا و داوێنپیسی حوکم و چارەسەر) ئەم لینکە بکەرەوە
https://walamakan.com/Besh-225

چۆن تەوبە بکەم؟
برای خۆشەویستم، خوشكى بەڕێزم
وەكو بتەوێ پێم بڵێی: بەڵێ، نەفسم ئەیەوێ بگەڕێتەوە بۆ لای پەروەردگارەكەی، ئەیەوێ پەشیمان بێتەوە لە خراپیەكەى، نەفسم دڵنیا بووە لەوەى سەرفرازی لە شوێن كەوتنی هەواو ئارەزوەكان و ئەنجامدانی كارە حەرامەكاندا نیە.. بەڵام لەگەڵ ئەوەشدا نازانم چۆن توبە بكەم؟ لە كوێوە یەكەم هەنگاو بنێم؟
منیش ئەڵێم: خوای مەزن چاكەى بۆ هەر بەندەیەكی خۆی بوێت، هۆكارەكانی بەدەستهێنانی بۆ ئاسان دەكات و یارمەتی دەدات، جا منیش باسی هەندێك لەو شتانە دەكەم كە یارمەتیت دەدەن و هاوكاریت دەكەن لە بۆ تەوبە كردن و گەڕانەوە:
یەكەم: ئیخلاص بوون بۆخوا، یانی ساغكردنەوەی نیەت، و پاككردنەوەی دڵ:
دووەم: موحاسەبەكردنی نەفس:
سێیەم: خۆت لەو شوێنانە دووربخەرەوە كە تاوانی تێدا ئەنجام دەدرێت:
چوارەم: واز لە برادەری خراپ بهێنە:
پێنجەم: زۆربیر بكەرەوە لە بەهەشت و دۆزەخ:
شەشەم: خۆت سەرقاڵكە بە كارێكی سوودبەخش و لە تەنیایی و دەست بەتاڵی دووربكەوە:
حەوتەم: بە گوێی هەواو ئارەزوت مەكە:
هەشتەم: دوعاكردن:
نۆیەم: هەروەها لەو شتانەی تر كە یارمەتیدەرن بۆ تەوبەكردن و گەڕانەوە:
هیوا كورت بوون، یادی قیامەت كردن، تێفكران لە قورئان، شەرم و حەیاكردن، بیركردنەوە لە سودەكانی خراپەنەكردن، نەزەرنەكردن، ئاگاداریكردنی بیر و هۆش و ختورە، چونكە سەرەتای هەرچی تاوانێك هەیە ختورە و بیرلێكردنەوەیە... لەگەڵ چەندین هۆكاری تر كە یارمەتیدەرن بۆ تەوبە كردن و بەردەوام بوون لەسەری.
وە هەروەها بیر لە عاقیبەت و زەرەر و زیانی تاوانەكان بكەرەوە ، چونكە ئەگەر مرۆڤ زانی تاوانەكان عاقیبەتیان خراپە و داهاتوویان ڕەشە، سزاكەى لە بۆسەدایە و چاوەڕێیەتی، وای لێدەكات پێش هەموو شتێك واز لە تاوانكردن بهێنێت و تەوبە بكات لە تاوانەكان.
--------------------------
#بەکورتى (٣٩٥)
بۆ زانیارى زیاتر سەبارەت بە تەوبە کردن و مەرجەکانی ئەم لینکە بکەرەوە
https://walamakan.com/Besh-105

ئه‌و گه‌نجانه‌ى تواناى ژن هێنانیان نیە و ئارەزوویان زۆرە
پرسیار:
من گه‌نجێكم تەمەنم بیست ساڵە ئه‌مه‌وێت نيوه‌ى دينه‌كه‌م ته‌واو بكه‌م بە ژن هێنان به‌ڵام توانام نيه‌ ، ئامۆژگاريتان چيه‌ بۆ من ؟ وە ئایا دەکرێ هەندێ دەرمانى لاواز کردن و کەمکردنەوەى ئارەزوو بەکاربێنم؟
وەڵام :
جێگير بووه‌ له‌ پێغه‌مبه‌رى خواوه‌ ﷺ كه‌ فه‌رموويه‌تى : ئه‌ى كۆمه‌ڵى گه‌نجان هه‌ر كه‌سێک له‌ ئێوە تواناى ژنهێنانى هه‌يه‌ با ژن بهێنێت چونكه‌ ژن هێنان ده‌بێته‌ مايه‌ى زياتر داخستنى چاو له‌ نامه‌حره‌م ، و زياتر پاراستنى داوێن ، وه‌ هه‌ركه‌سێك كه‌ ناتوانێت ئه‌وا با ڕۆژوو بگرێت ئه‌وا ڕۆژوو ده‌بێته‌ مايه‌ى پاراستن له‌ ئاره‌زوو .
پێغه‌مبه‌رى خوا ﷺ ڕێنمونى كردووه‌ بۆ ڕۆژوو بۆ ئه‌و كه‌سه‌ى كه‌ ( تواناى ژنهێنانى نيه‌ ) واتا : تواناى دابينكردنى پێداويستيه‌كانى هاوسه‌رگيرى ، پێويسته‌ له‌سه‌رى ڕۆژوو بگرێت وه‌ پشت ببه‌ستيت به‌ رۆژوو بۆ گرتنه‌وه‌ى ئاره‌زوو و كه‌مكردنه‌وه‌ى ، وه‌ سه‌لامه‌ت بوون له‌ شه‌ڕ و خراپه‌كانى چه‌ند له‌ توانادايه‌ .
ڕۆژوو به‌يارمه‌تى خوا پاراستنى له‌ ئاره‌زوو پێ به‌ده‌ست دێت ، واتا : دامركانه‌وه‌ى ئاره‌زوو ، كه‌مردنه‌وه‌ى ئاره‌زوو ، وه‌ به‌هۆيه‌وه‌ پاراستن له‌ توندى ئاره‌زوو به‌ده‌ست دێت .
ئه‌وه‌ى گرنگه‌ ڕۆژوو :
چاره‌سه‌رى تێدايه‌ بۆ ئاره‌زوو و شه‌هوه‌ت .
و چاره‌سه‌رى تێدايه‌ بۆ چاره‌سه‌ركردنى ئاره‌زوه‌كانى مرۆڤ بۆ هاوسه‌رگيرى ،
وه‌ يه‌کێکە له‌ هۆكاره‌كانى چاو داگرتن له‌ ئاستنى تێڕوانينى حه‌رام ،
وه‌ يه‌کێکە له‌ هۆكاره‌كانى لاوازكردنى ده‌سه‌ڵاتى شه‌يتان ، چونكه‌ شه‌يتان به‌ناو ده‌ماره‌كانى مرۆڤدا دێت و ده‌ڕوات وه‌كو خوێن ، ڕۆژووگرتنيش ئه‌مه‌ لاواز ده‌كات .
واتا : ڕۆژوو ئه‌م ئاره‌زوو و ويسته‌ بۆ جنس لاواز ده‌كات ، و به‌هۆيه‌وه‌ زۆرێك له‌ ئامانجه‌كه‌ به‌ده‌ست دێت .
وه‌ ئه‌گه‌ر هه‌ندێك له‌ ئه‌و ده‌رمانانه‌ به‌كاربهێنێت كه‌ ئاره‌زوه‌كان لاواز ده‌كات به‌ڵام ئاره‌زوه‌كه‌ نابڕيت و له‌ناوى نابات به‌ڵكو ئاره‌زوه‌كه‌ ده‌مێنێت بۆ كاتى پێويست ئه‌وه‌ هيچي تێدا نيه‌ و ده‌كرێت ئه‌مه‌ش هه‌ندێک جار چاره‌سه‌ر بێت ديسان .
وەڵامی زانای پایەبەرز شێخ عبدالعزیز بن عبدالله بن باز - رحمه الله -
-----------------------
#بەکورتى (٣٩٦)
بۆ زانیارى زیاتر ئەم لینکە بکەرەوە
https://walamakan.com/Besh-120

مەترسيى بەکارهێنانی بۆتۆکس و فیلەری پێست بۆ ئافرەتان
مەترسيى بەکارهێنانی فیلەری پێست بۆ ئافرەتان
فیلەری پێست چەند زیانێکی لاوەکیی خراپی هەیه کە ئەگەرێکى زۆرى هەیه ڕووبدات.
باوترينی ئەو گرفتانه بریتين لە:
١. هەڵەشە بوونی پێست.
٢.خورانی پێست.
٣. دەرکەوتنى خاڵی سوور و زیبکە لەسەر پیست و تەقينەوەی زيبكەكان.
٤. سووربوونەوە.
٥. ڕووشاندن.
٦. دەرکەوتنى شێوەى ڕوخسارێکی نەويستراو، وەكو خوارى، پەنەمان، يان دەرکەوتنی چرچی و لۆچبوون و کرژبوون کە پێویست دەکات بە دووبارەبوونى ڕاست كردنەوە.
٧. زیان پێگەیاندن بە توێکڵی پێست کە دەبێتە هۆکار بۆ برین و هەوکردن و لێ گرتنەوە و برینداربوون.
٨. هەوكردن لە شوێنى دەرزى و دەرکەوتنی گرێ لە ژێر پێست.
مەترسيى بەکارهێنانی بۆتۆکسی پێست بۆ ئافرەتان
كاريگەریەکانی زیانبەخشی لاوەكيى بۆتۆكس بریتین له:
١- شۆڕبوونەوەى پێڵووەكەى چاو يان برۆ ئەگەر دەرزى لێدانەکە نزيكی چاو بێت.
٢- بێهێزى يان ئيفليج بوونى ماسوولكەى دەوروبەرى شوێنى دەرزی بۆتۆکس.
٣- دەرکەوتنی پەڵە لەگەڵ خوراندن.
٤- ئازار، خوێن بەربوون، ڕووشاندن، ئاوسان، سڕبوونەوە، يان سووربوونەوە.
٥- سەرئێشە.
٦- ووشکبوونەوەى دەم.
٧- دەرکەوتنى تووشبوون بە نیشانەی هاوتای ئەنفلوەنزا.
٨- تووشبوون بە هێڵنج.
٩- ئازار و کێشە لە قووت دان، قسە كردن، يان هەناسە دان.
١٠- دەرکەوتنى کێشە لە زراوى کەسەکە.
١١- تێکچوون لە ئاستی بینینی هەردوو چاو و دەرکەوتنی کێشەى جۆراوجۆر لە چاو.
١٢- کاردانەوەى تووشبوون بە حەساسیەت و دەرکەوتنی پەڵە.
------------------------
#بەکورتى (٣٩٧)
بۆ زانیاری زیاتر ئەم لینکە بکەرەوە
https://walamakan.com/2681

مژدە ... مژدە ... مژدە
خوشک و برایانى بەڕێز : إن شاء الله هەفتەى داهاتوو خولی دەیەمی پێشبڕکێی کەناڵی بە (کورتى) ڕادەگەیەنین کە تایبەتە بە (فەزڵى نۆمینەى حاجیان و ڕۆژی عەرەفە و حوکم و ئادابەکانى قوربانی کردن )
چاوەڕوان بن
https://hottg.com/ba_kurty

سۆنەر كردن بۆ ئافرەتى دووگیان بەمەبەستى زانینى ڕەگەزى منداڵ
پرسیار:
ئایا سۆنەر كردن بۆ ئافرەتى دووگیان بەمەبەستى زانینى ڕەگەزى منداڵەكە گوناحە؟وە ئایا ئافرەت بچێت بۆ لاى دكتۆرى پیاو سۆنەر بکات حەرامە؟
وەڵام :
بەناوى خواى بەخشندەى میهرەبان
سۆنەر كردن بەمەبەستى زانینى ڕەگەزى منداڵ لە سكدا (گەر بۆ مەبەستێکى ناشەرعى بێ) ئەوا ڕازى نەبوونە بەقەدەرى خوا و سیفەتێكى (جاهلى) یە و دوا ئەنجامیش هەندێ جار دژایەتى كردنى تەقدیرى خوایە لەوانەشە هەندێ كەس هەوڵى ئەوە بدەن ئەو منداڵە لەبار ببەن خواى گەورە لە باسى نەفامەكانى پێش ئیسلامدا دەفەرموێت: {وَإِذَا بُشِّرَ أَحَدُهُمْ بِالأُنثَى ظَلَّ وَجْهُهُ مُسْوَدًّا وَهُوَ كَظِيمٌ } (٥٨) سورة النحل . واته : وه‌ كاتێك یه‌كێك له‌وان موژده‌ی پێ بدرایه‌ كه‌ خێزانه‌كه‌ت مناڵی بووه‌و كچی بووه‌ به‌ به‌رده‌وامی و به‌ درێژایی ڕۆژ ڕه‌نگی ڕه‌ش هه‌ڵئه‌گه‌ڕا له‌ خه‌فه‌تدا ، وه‌ غه‌م و خه‌فه‌تی خۆی ئه‌خوارده‌وه‌و ده‌رینه‌ئه‌بڕی كه‌ چه‌ندێك خه‌فه‌تبار ئه‌بوو.
بۆیە هەمان نەفامى یە و گەڕاوەتەوە بۆیە پێویستە (واجب)ە ڕازى بن بە تەقدیرى خوا و ئەو ڕێگەیە نەگرنە بەر بەتایبەت گەر بزانێ سکەکەى کچ بێ لەباری دەبات.
پرسیار :
ئایا ئافرەت بچێت بۆ لاى دكتۆرى پیاو سۆنەر بکات حەرامە؟
وەڵام :
پێویستە لەسەر موسڵمانان دكتۆرى ئافرەتیان هەبێت لە هەموو بوارەكاندا بۆ ئەوەى چارەسەرى ئافرەتان بكەن و ڕێگەى ئەگەرى خراپ دابخرێت بەڵام ئەگەر نەبوو ئەوە ئەو كاتە لەبەر نەبوون و ناچارى دروستە بەڵام بۆ لاى دكتۆرى موسڵمان و دەست پاك و داوێن پاك و متمانە پێكراو لەگەڵ ئەوەشدا پێویستە عەورەت بپارێزێت مەگەر ئەوەندەى پێویستە ئاشكرا بكرێت.
وە ئەگەر دکتۆرى ئافرەتان هەبوو کە سۆنەر بکات ئەوکاتە دروست نیە کە ئافرەت بچێت لاى دکتۆرى پیاو سۆنەر بکات .
وە ئەبێ ئەوەش بزانین کەدروست نیە ئافرەتەکە بەتەنها بڕواتە ژوورەوە بۆ لاى دکتۆرى پیاو و ئەبێت مەحرەمێکى لەگەڵ بێت .
-----------------------
#بەکورتى (٣٩٨)
https://hottg.com/ba_kurty

درۆ كردن له‌بینینى خه‌ودا
یەکێک لە تاوانەکان و حەرام کراوەکان درۆ كردنە له‌بینینى خه‌ودا
هەندێ كەس بە ئەنقەست هەوڵدەدات بۆ دروست كردنی خەونێك كە نەیبینیوە، بۆ ‏بەدەست خستنی چاكەیەك یان بۆ باسكردنی‌ و ناو دەركردنی لەناو خەڵكیدا یان بۆ ‏ڕاكێشانی قازانجێكی دونیای یان بۆ ترساندنی كەسێك كە دوژمنایەتی هەیە لەگەڵیدا، ‏یان بۆ شتی تر.‏
وە زۆرێك لە خەڵكانی ئاسایی باوەڕو قەناعەتێكی بێ ئەندازەیان بە خەون هەیە‌و ‏دڵیان زۆر پێوەی پەیوەستەو زۆر هۆگرن بۆی، بۆیە بەو درۆ و دەلەسانەش تێدەكەون‌ و ‏هەڵدەخەڵەتێن.‏
هەڕەشەی سەخت‌ وگران كراوە لەكەسێ كە خەون بە درۆ باسكات.‏
هەروەك پێغەمبەرەوە ‏ﷺ‏ دەفەرموێ: ‏
« إنَّ مِن أعْظَمِ الفِرى أنْ يَدَّعِيَ الرَّجُلُ إلى غيرِ أبِيهِ، أوْ يُرِيَ عَيْنَهُ ما لَمْ تَرَ، أوْ يقولُ على رَسولِ اللَّهِ ﷺ ما لَمْ يَقُلْ ». رواه البخاري انظر الفتح ٦/٥٤٠
واتە: « گەورە ترین درۆ هەڵبەستن ئەوەیە: پیاوێك بە ناوی باوكێكی ترەوە بانگ ‏بكرێ جگە لەباوكی خۆی، یان خەونێك بگێڕێتەوە كە بە چاو نەیبینی بێ، یان بڵێ ‏پێغەمبەر ‏ﷺ‏ وای وتووەو نەی فەرموو بێ »
وەهەروەها پێغەمبەر ‏ﷺ‏ دەفەرموێ:
« مَنْ تَحَلَّمَ بِحُلْمٍ لَمْ يَرَهُ كُلِّفَ أَنْ يَعْقِدَ بَيْنَ شَعِيرَتَيْنِ وَلَنْ يَفْعَلَ ». رواه البخاري انظر الفتح ١٢/٤٢٧
واتە: « هەركەسێ خەونێ بگێڕێتەوە كە نەبینی بێ، ئەوا لە قیامەت دا داوای لێ ‏ئەكرێ‌ دوو دەنكە جۆ پێكەوە گرێ‌ بدات، وە ناشتوانێ‌ »
بەیەكەوە بەستنی دوو دەنكە جۆ كارێكی مەحاڵە‌و ئەستەمە، بۆیە سزاكەی بەگوێرەی ‏كردارەكەیەتی.‏
---------------------
#بەکورتى (٣٩٩)
https://hottg.com/ba_kurty

مژدە مژدە مژدە
مژدە بۆ سەرجەم مامۆستایانی مزگەوت و ڕێکخراو و ناوەندە ئیسلامییەکان
بە بۆنەى هاتنی پشووی هاوینەوە
پاکێچی پەروەردەى منداڵی موسڵمان کە پێک هاتووە لە چوار کتێب بۆ خولی هاوینەى منداڵان بە زمانى شرینی کوردی و بە دیزاینێکی ناوازە و جوان ئامادە کراوە بۆ هەردوو ئاستى یەکەم و دووەم
نرخی پاکێجێک کە پێک هاتووە لە چوار کتێب و لە نێو زەرفی تایبەتدا تەنها (٥) هەزارە
ئاستى یەکەم بۆ تەمەنی (٦) بۆ (١٠) ساڵ گونجاوە
ئاستى دووەم بۆ تەمەنی (١١) تا (١٥) ساڵ گونجاوە
گەیاندن بۆ سەرجەم شارەکان هەیە
گەیاندن بۆ ناو شاری کەلار بەخۆڕاییە
بۆ داواکردن پەیوەندی بکەن
٠٧٧٠١٥١٧٣٧٨

https://hottg.com/malpariba8