Qadrli tibbiyot xodimlari!
Sizlarni, sizlar orqali barcha soha vakillarini kasb bayramingiz – Tibbiyot xodimlari kuni bilan samimiy qutlayman.
Ayniqsa, ikki kasbni bir mas’uliyat bilan olib borayotgan universitetimiz tibbiyot birlashmasida xizmat qilayotgan soha vakillari, har qanday vaziyatlarda ham professor-o‘qituvchilar hamda talabalar salomatligi uchun kurashib, ularga malakali tibbiy xizmat ko‘rsatib kelayotganliklari alohida e’tirofga loyiq.
Xodimlarimizning salomatligini muhofaza qilish, ularga yuksak e’tibor va g‘amxo‘rlik ko‘rsatish borasida ham fidoyilik namunalarini ko‘rsatib kelmoqdasiz. Bu kabi mas’uliyatli kasbda sizdek jonkuyar va fidoyi tibbiyot xodimlarimizning o‘rni beqiyosdir.
Fursatdan foydalanib, sizlarni, Andijon davlat universiteti jamoasi nomidan yana bir bor samimiy tabriklab, sizlarga mustahkam sog‘lik va tinchlik-xotirjamlik, mas’uliyatli va sharafli ishlaringizga ulkan zafarlar tilayman.
Hurmat bilan,
Baxtiyorjon Akbaraliyev — Andijon davlat universiteti rektori
