#ئەفسانە
دڵداری قسە و باسە لە ئەفسانە دەنووسم
هۆشم نیه بمبوورە کە شێتانە دەنووسم
ئێستا کە منی سووتە دڵی پر خەمی بێکەس
مەشقی دەمی هوشیاری لە مەیخانە دەنووسم
عومرێکه کە پێنووس شەکەتی باری ئەوینتە
نەمزانی کە ئەغیاری لە بێگانە دەنووسم
گڕکانی ئەوینت گڕی بەردایە دەروونم
ئێستا کە لە سۆنگەی گڕی ئەو ژانه دەنووسم
لەو زێدە کە شاعیر لە نەزەر سووک و چرووکە
چەن ساڵە لە تاوی دڵی دێوانە دەنووسم
ئەو جارە دەبێ لێرە لە هوشیاری حەزەر کەم
شێتانه لە مەیخانە بە پەیمانە دەنووسم
هەورێ له بەهار نایەتە گوڵزاری حەزی من
#تینووم لە گەرووی خامەوە بارانە دەنووسم
هەر چەن کە شێعر زامی دڵی چارە نەکردم
چارم نیە وەڵڵاهی لە تاوانە دەنووسم
#ئەیوب_ئەحمەدی
#تینوو_کۆکەیی
🍂🍃🍂🍃🍂🍃🍂🍃🍂
@AuoobAhmadiTinoo
>>Click here to continue<<