قصيده الامام المهدي عجل الله فرجه
مهدينه هل اهلالك اعلينه(٢)
ياس او ورد لعيونه طشينه (٢)
🌹💜🌷🌹💜💞💜🌷🌹♥🤎💜
ياقائد الامه و امل كلبي
يا غلا كل ناسي وهلي وحبي
لسامرا باچر امشي وبدربي
يمك اطش قداح يالعينه
♥🤎💜♥🤎💜♥🤎
يمك اطش الروح يالغالي
ولو كلشي بيه اصير مابالي
منك اريدن نضره ألحالي
نهنيهه نرجس بالفرح جينه
♥🤎💜♥🤎💜♥
والله التهاني ابحضرتك تحله
يااغلا ناسي وبالجفن كحله
والي يعادي شخصك انگله
ابعد وخلي اشواگنه بينه
🤎💜♥🤎💜♥♥
ياشوگي انت وكحلت اعيوني
ويانبض گلبي بحبه لاموني
نورك سطع بينه وجن اجنوني
رب السمه يمكمل الدينه
🤎💜♥🤎💜♥🤎💜
اظهر يغالي وفرح الفقره
منك نريد لهل الوضع نضره
كسر الگلب من غيرك ايجبره
گلبي يريدك والوعد وينه
🤎💜♥🤎💜♥🌹♥
ابجاهك عالله سيدي اتوسل
ابخير وفرح ينعاد هالمحفل
كل شده بسمك سيدي تنحل
من كل خطر مولاي تحمينه
💜🌹♥🤎💜🌹♥🌹
خادمة أهل البيت ام ابراهيم الحلفي
💜♥🌹💜♥🌹
الناشر // عالي مقامي
غير مبري الذمه يحذف اسم الناشر
>>Click here to continue<<