هوسات للحجاج
هله بالحجي الاجانه امن الديار الطاهره
كمل الحجه ورجع انوار وجهه زاهره
نسال امن الله القبول يصير دنيا واخره
هنياله ،،،، من كمل حجه
❂❂❂❂❂❂❂❂❂❂
الف هنياله الحجي الوصل بيت الله الحرام
طاف بالكعبه الشريفه وصلى من خلف المقام
وزار ابو القاسم نبينه اعليه الالاف السلام
اشمحلاها ،،،، زوار الكعبه
❂❂❂❂❂❂❂❂❂❂
ياهله بالحاج اهلا رجع من ارض المدينه
طاف بالبيت الحرام وزار ابو القاسم نبينه
ياالف مبروك حجته وياهله بجيته علينه
يهنونه ،،،، اهله واحبابه
❂❂❂❂❂❂❂❂❂❂
يهله بحجاجنه الردوا علينه بالسلامه
كملوا أدوا فرضهم طافوا البيت ومقامه
تقبل الباري عملهم نورهم اكبر علامه
يتلاله ،،،،، والنوراعليهم
شاعره اهل البيت ام حسين الهلالي
💕💕💕💕💕💕💕💕💕💕💕💕💕💕
الناشر // عالي مقامي
غير مبري الذمه الي يحذف اسم الناشر
>>Click here to continue<<