قصيده ثكيله حول استشهاد الامام علي
وين ابوي العاشريته ياحسافه فاركيته
راح حماي الحميه ماأظن يرجع عليه
فاركيته فاركيته
شال ابوي وراح كل ذاكه حنانه
وطالت الغيبه حسافه وما اجانه
افراكه يصعب يا خلك بيه عذبانه
ما نسينه وبالعجل شو فاركانه
خالي وحشه وسفه بيته يا حسافه فاركيته
راح وسفه الجان الي كلشي بحياتي
وهسه مكسورت كلب انه وخواتي
يا علي ارجع صحت بويه وغلاتي
شلي بعدك بالعمر بس نايباتي
كل دلال انتي خذيته ويا حسافه فاركيته
صعبه بالدنيه البنيه لو يتيمه
ومن حنان الراح يا وسفه هظيمه
شال هيبتهه وبكت زينب اليمه
ليل ونهار الحزن ظلت تجيمه
والحزن ما بطليته يا حسافه فاركيته
تدري مكسورت كلب لو راح ابوها
اتحس يبويه لو رحت جنهم نسوها
كلب البنيه زغير وما اجوها
شالو اعزاز الكلب ليش ارخصوها
والكلب بويه خذيته يا حسافه فاركيته
جمره كلبي من مشيت وما تجيني
ضاعت وياك الحيات وكل سنيني
مابطل نوحي يبويه ولا ونيني
البيت وحشه ومن تشوفه البيت عيني
اه والوحشه عله بيته يا حسافه فاركيته
وحشه حيل الدار مابيهه محنه
وشخصك الغالي يبويه غاب جنه
ياليالي السود مني شو خذنه
وذاك ابوي الي اريده ضيعنه
دوريت ومالكيته يا حسافه فاركيته
لخا.مة الزهراء العلويه ام جعفر
غير مبري الذمه من يحذف الاسم ويأخذ الكلام وينسبه له م
https://hottg.com/am_jafar
>>Click here to continue<<