#قصيده بحق علي الاكبر (ع )
➖➖➖➖➖➖
يبني يالأكبر عالدنيه العفه..
وين رايح يا شبيه المصطفى..
🟰🟰🟰🟰🟰
يا شبيه المصطفى الهادي الأمين
من رحت عنه بقى حسينك حزين
لورحت عني آضل مالي معین
بويه نور العين وي نورك طفی
✍🏻 أم حسن البطاط
🟰🟰🟰🟰🟰
من خفى نورك آحسن بالضياع
يا گلب امك شكه بيوم الوداع
اشلون شايل يالولد عنه بساع
وطولک من البیت یولدی خفه
✍🏻 ام حيدر العباديه عماره
🟰🟰🟰🟰🟰
طفت عيني بيوم عالغبره هويت
دورت واحد يشبهك مالگيت
بحضني خليتك علي بويه وبچيت
البيت خالي من عگب عينك صفى
✍🏻عاشقة العباس ام عراق الشمري البصره
🟰🟰🟰🟰🟰🟰🟰
مدري انوح ليا نزف وليا جرح
يا جمالك بويه چن وجه الصبح
ميت انه و لا أشوفك منذبح
غاب عن عيني خيالك وأختفى
✍🏻آلــــّعــلّويِـــه آلّمٌوسويِــــۿ
🟰🟰🟰🟰🟰🟰🟰🟰
طفّت عيوني يبويه بروحتك
عني يالاكبر مشو كل اخوتك
گلت تبگالی و تحامي عمتك
الدهربعدك ها یمدلولی جفه
✍🏻ام علي البيضانيه
🟰🟰🟰🟰🟰🟰🟰🟰
غاب عن عيني خيالك ياشباب
ياعلي بعدك زغير اعله التراب
شهلمصاب الهدم حيلي شهلمصاب
والدهر ماعنده رحمه وعاطفه
✍🏻ام مرتضى الخفاجيه
➖➖➖➖➖➖➖
اخذ حیفه الدهر مني یلولد
ياعلي الفرگاك مااصبر بعد
بويه لمصابک اگلیبی منمرد
البیت منه شال یولیدی الدفه
✍🏻المله ام نور الساعدي
➖➖➖➖➖➖➖
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://hottg.com/alweyaamosaweyarrrr2626
>>Click here to continue<<