#قصيده لســان حال السيدة زينب عليها السلام
أخذتي أرباي يا گيعان الطفوف
اخوتي وكل بنيني وخذتي الشوف
شلج أوياي من ثار..
أخذتي حتى الزغار..
ابالي كل وكت رنات السيوف..
• ━━━━━━❪❆❫━━━━━━ •
طشرتي الضعون وصرنه طشار
وكلبي اعله الحياده اموجر ابنار
اخذتيهم سويــه ازغــار وكبــار
عميتي مني العيون..
من طشرتي الضعون..
ابالي كل وكت رنات السيوف..
✍🏻أم زين العابدين المحمداويه
• ━━━━━━❪❆❫━━━━━━ •
وين حسين اخيي وين عباس
صفيت انه غريبه ابين هل ناس
حزني اعله الگضو ماأله مقياس
انه الهيبه واميره..
تالي اشلون اسيره..
ابالي كل وكت رنات السيوف..
✍🏻أم رحمه الگاظميه
• ━━━━━━❪❆❫━━━━━━ •
أخذتيهم غفل وأتفرهد الحيل
وبفراگ الأهل صار الصبح ليل
عالوجنات من دم دمعتي اتسيل
غريبة وبين أغراب..
شالو هلي الأطياب..
أبالي كل وكت رنات السيوف..
✍🏻آلــــّعــلّويِـــه آلّمٌوسويِــــۿ
• ━━━━━━❪❆❫━━━━━━ •
ضحايه امطشره فوك الوطيــه
الزلــم نومه بأراضي الغـاضريه
بس زينب تنـادي شــلون بيــه
اصيحن وين اهلنه..
الشمر سايك ضعنه..
ابالي كل وكت رنات السيوف..
✍🏻 أم علي السماوي
• ━━━━━━❪❆❫━━━━━━ •
اخذتي كل هلي وأغلى الأحباب
انطمو عمت عيني جوه التراب
انهدم حيلي يديره والشعر شاب
زماني اشكثر غدار..
بلاني بناس اشرار..
ابالي كل وكت رنات السيوف..
✍🏻ام مرتضى الخزرجي
• ━━━━━━❪❆❫━━━━━━ •
اخذتي اعزازي گلها وضيعيتني
وبفراگ اخوتي بالصدر صبتيني
ومن عباس والوالي حرمتيني
وحيدة بيچ ظليت..
شكثر ياديرة ونيت..
ابالي كل وكت رنات السيوف..
✍🏻ام زهراء الزيداويه البصراويه
• ━━━━━━❪❆❫━━━━━━ •
تمت بعون الله بأقلام شاعرات
رابطة سيد الشهداء عليه السلام
غير مبري الذمه اليحذف الاسماء أو يتلاعب بها..
https://hottg.com/alweyaamosaweyarrrr2626
>>Click here to continue<<