❇️ ابوذيات الاربعين
.........
المصايب كثرن ودمعي بهن سال
وسهام الفاجعة بگلبي بهن سال
وگفت بمجلس الشامت به انسال
اخوتچ وين راحو يالسبية
.........
عقيل الكاظمي

❇️ ابوذيات الاربعين


انه الما ينوصف بيه تره لماي
وصار اعلى الدهر عتبي تره لماي
احلف عيوني لو حنت تره لماي
كون بشوفته تشوف المنيه
.............
عقيل الكاظمي

❇️ ابوذيات الاربعين

كسيره والدمع للعين جبريل
نزيفه وللكسر هيهات جبريل
زينب هاي والهه ينوح جبريل
لارض الشام من راحت سبيه
..............

عقيل الكاظمي

❇️ قصائد استشهاد النبي محمد صلى الله عليه وآله وسلم

#رئيسية


بدر وأحد والخندق * تنعى الامين الاصدق
نور الرساله * غايب اهلاله
----------------
سوح السياسه والفكر والميدان
ناحت على امصابك يسيد الاكوان
ونْفتحت عيون السور بالقران
وحروفهه سالت مدامع احزان
وحنّت عليك السدره * وكل غصن هلّ العبره
بعالم كماله * غايب اهلاله
---------------
بالمنتهى نسمع ونين السدره
كل غصن من عدهه اختنگ بالعبره
لمصيبتـك ناح الوجود بأسْره
اتصدّع كيانه بهل مصيبه الكُبره
وضاق الفضه باحزانه * وتْزلزِلَتْ أركانه
وگرّب زواله * غايب اهلاله
--------------
سرّ الوجود انـت وعمَد صيوانه
لو طِحِت تتزلزل جميع اركانه
لو ما علي ونوره وكرامة شانه
ينمحي الكون و ينهدم بُنيانه
يحمل قداسة نفسك * نوره فرع من شمسك
واصل الجلاله * غايب اهلاله
----------------
اصل الجلاله وفرع منك حيدر
مصدر النور و هـوّه نور المصدر
كلّ الجره بهل كون وعليه أثَّر
بگلب الوصي الكرار صار وأكثر
ظل ممتحن بغيابك * گلبه انفجع ومصابك
يعيش ابخياله * غايب اهلاله
----------------
الله يعين المرتضى اعلى اللي صار
بيا حاله لمَّن ودّعك يل مختار
چفّنك حيدر بل حِزن و الأكدار
وغسّلك بدموعه التجارت انهار
بحفرة اللحد الطاهر * وجهك البدر الزاهر
ودع جماله * غايب اهلاله
---------------
غيّب ضواك وغيّب وياك الروح
وعوّد لداره بگلب نازف مجروح
لن شاهد البضعه بدمعهه المسفوح
واساهه حامي الحِمه بآهاتِ النوح
سمّ الذي طر چبدك * فطر چبدهم بعدك
ودار العداله * غايب اهلاله
--------------
عقيل الكاظمي / الشارقة
ديوان خواطر الافكار ج1 ص37

قصائد استشهاد النبي محمد صلى الله عليه وآله وسلم


وداعا * وداعا والدمع طاح وخلص عمره
وداعا * وداعا والجرح ما فارگ الزهره
---------------
ياللي جرح الكون جرحك يتّمت كل الوجود
اتشمّت ابليس بمماتك فرحت گلوب اليهود
من هُبل هذي رسالة رفعت الرايات سود
وابنة الشيطان صاحت لا ركوع ولا سجود
ابمماتك * ابمماتك هبل رايد ينتصر كفره
وداعا * وداعا والجرح ما فارگ الزهره
------------
ياللي وجه الصبح وجهك التاه بضواك استعاذ
ياللي طبع الليل طبعك هادئ وبيك الملاذ
من بني الشيطان طلعت زمره عن دينك شواذ
فجعت العالم ابسمّك صار اله بچبدك نفاذ
ابمصابك * ابمصابك صابوا القرآن والعتره
وداعا * وداعا والجرح ما فارگ الزهره
--------------
فجعو آيات العقيدة الغيّبو بالسم ضواك
حرمو الدنيا واهلهه يا محمد من شذاك
آه يا حال الوديعه بيوم ناعي الهم نعاك
آه يا حال ابن عمك حيدر بدمعه رثاك
غيابك * غيابك فتح باب الگلب عل حسره
وداعا * وداعا والجرح ما فارگ الزهره
-------------
جبرئيل يون عليك وسمع عرش الله الونين
يعاين لنعشك ويدري بانقلاب المسلمين
يعاين اعلى الباب دم وفاجعة ونار وجنين
وچتفت حيدر وصيته وهوه عل مبدأ أمين
نحيبه * نحيبه لضلع طاهر يعلم بكسره
وداعا * وداعا والجرح مافارگ الزهره
------------
بضعتك تجري المدامع والوصي بآلامه ذاب
والحسن مفجوع لجلك يحسب دموع الغياب
والحسين يتيم بعدك والگلب من همه شاب
وابتدت ام المصايب سجلت اول مصاب
أسيرة * أسيرة بلا أسر والهم طلع فجره
وداعا * وداعا والجرح ما فارگ الزهره
-----------
الكون كله يجري دمعه وفاطمه ودمعتهه كون
جمره مو عبرات تجري ذبّلت حتى الجفون
من بعد عينك تفكر تبني منزل للشجون
تبقى طول العمر لجلك تنحب وتدمي العيون
ودمعها * دمعها الما يجف بي ترتوي السدره
وداعا * وداعا والجرح ما فارگ الزهره
--------------
عقيل الكاظمي

قصائد استشهاد النبي محمد صلى الله عليه وآله وسلم

#وزن #تجليبة



مُصابك يا رسول الله جَرِح بينه
ونِظَل ننعاك للمحشر يهادينه
---------------
المُصابك يا رسول الله تهل العين
سمّ الصاب چبدك صاب چبد الدين
عجيبه شلون لحدودك تدنّه البين
وانت لخدمتك هل كون تكوينه
---------------
الخِدِمتك صوّر المعبود هذا الكون
وسِر تكوينه صار بهيبتك مكنون
شلون السم يطر چبدك يطه شلون
صِدَع گلب الهُده وگطّع شرايينه
---------------
عليك الدنيه ناحَت من گبُل فرگاك
ونْشگ الگمَر لمصيبتك ينعاك
خَذِت روح السعاده من رحت وياك
اوتِرَكتِ الحزن من بعدك يسلينه
--------------
تركت شچم گلب عگبك يبو العتره
مهموم ابضلوعه امكسّره العَبره
يريت تشوف عگبك لوعة الزهره
دين الله اويه دمعتهه بِچت عينه
----------------
دِرَت منهو التآمَر يدس ليك السم
رايد عگبك بهل أمّه يتحكّم
دِرَت عگبك ضِلع مِن عدهه يتهشّم
ودِرَت رحم الامامه يفگد اجنينه
----------------
مو سمّ اليهوديّه الفُطَر چبدك
سم حِقد امّتك حين اصبحت ضدك
يبو الزهره گبُل ما تنزِل بلحْدك
الطاغي اتأهّب وجمّع شياطينه
-----------------
اجتمعوا عل خلافه زمرة الظلام
وغصبوهه ابسيوف الحقد والاجرام
بِنَوا ذيچ السقيفه وهِدموا الاسلام
وعِملـوا عَكِس دين الله اوقوانينه
-----------------
ودار الچنت يا سيد الرسل بيهه
تستأذِنهه من تدخل مبانيهه
عگب عينك فلان اتهجّم اعليهه
وخالَف نهجك السامي ومضامينه
-----------------
ظلموا بضعتك يل مصطفى المختار
وسِگط محسنهه لمّن هجموا اعلى الدار
ضِلِع منهه انكسر يل هادي بل بسمار
اوّصيّك بل وصيّه امچتّفه ايمينه
---------------
هذا الصار غير الطعن والتجريح
طِعنوا بالحقيقه بحجة التصحيح
اوصُفَت عترتك يل هادي بمهبّ الريح
ومِن مأساتهه امتدّت مآسينه
----------------
حِجبوا كل حقايقهم عن الأجيال
والتاريخ كتبوه ابْقلم دجّال
صُفَت امّتك يل هادي اعلى هذا الحال
ما تدري الطريق لسُنّتك وينه
----------------
عقيل الكاظمي / الشارقة
من ديوان خواطر الافكار ج1 ص119

قصائد استشهاد النبي محمد صلى الله عليه وآله وسلم

#رئيسية

يا جرح الرسالة * بسهام الضلالة
تركت الحزن بينه * على مصيبة نبينه
بسهام الضلالة
---------------
من يوم الغفه سم الغدر بحشاه
صحه بينه جرح ما يبرد لفرگاه
وصحنه بصوت يا جرح الحزن والله
مصاب المصطفى المختار ما ننساه
صوّبنه ابْمُصابه * ولوّعنه ابْغيابه
المدامعنه جرينه * على مصيبة نبينه
بسهام الضلالة
---------------
يا جرح الرساله بچم سهم جرّاح
من گوس الضلالة تصوّبت أرواح
بيك شكم صرح للحگ تهاوه وطاح
اولَبْواب المصايب بابك المفتاح
وهاي اول فجيعه * من باب الوديعه
المحن صَبّت علينه * على مصيبة نبينه
بسهام الضلالة
---------------
افتحِتْ بوب الحزن والمحن والاكدار
واوّلهه ابهجوم اهل الغدر عل دار
دفعوا باب بيت المصطفى المختار
وصار الصار بين الضلع والبسمار
الزهره ايهل دمعهه * لمحسنهه وضلعهه
بگلب هايج حنينه * على مصيبة نبينه
بسهام الضلالة
---------------
وثاني باب للهم سببت اسباب
يوم انصاب بالمحراب داحي الباب
طبروا هامته وگلب الديانه انصاب
وِبْدم الامامه اتخضب المحراب
كل هاي النوايب * وغيوم المصايب
محن تمطر علينه * على مصيبة نبينه
بسهام الضلالة
---------------
وعگب كسر الضلع ومصيبة الطبره
سم چبد الرسول انعاد هالمَرّه
سره بچبد الحسن ريحانة الزهره
ولجل يرمون ابو اليمه بسهم صدره
صابو نعش اخيّه * بسهام الرزيه
ابسهم نعشه انرمينه * على مصيبة نبينه
بسهام الضلالة
---------------
بسهام الغدر دارت رَحَه الايام
اوعلى حسين انرمت بالطف مثلهه سهام
وسيوف اورِماح وسَبِي وحرگ خيام
والأعظم يسر زينب لطاغي الشام
بديار المصيبه * سموهه الغريبه
اويه سبيتهه انسبينه * على مصيبة نبينه
بسهام الضلالة
---------------
يا جرح الرساله وعگب يوم حسين
بسمّ الهادي سموا عترته الطيبين
اوعلى الغايب تظل مشبوحه تربي العين
وعلى الثارات نبقه انحشّمه بكل حين
عشنه اعلى انتظارك * ونفكر بثارك
ولا لحظه نسينه * على مصيبة نبينه
بسهام الضلالة
---------------
عقيل الكاظمي / بغداد

قصائد استشهاد النبي محمد صلى الله عليه وآله وسلم




خليهه * خليهه * تجري الدمع خليهه
-------------
گلب الوديعه اليوم يتلاهب نار
مفجوعه بمصيبة ابوهه المختار
خليهه تجري الدمع يا حامي الجار
وتنحب على مصاب ابو اعتره الاطهار
واسيهه * واسيهه * واعلى الهضم واسيهه
-------------
ايحگ الهه تنحب وبمدامعهه اتجود
ما مثل ابوهه بالعوالم مفگود
تدري لونّه ارتحل هيهات ايعود
ارض وسمه اعليه تلبس اثياب السود
هاديهه * هاديهه * الليله انفگد هاديهه
-------------
ناعيهه ينعه ابفگِد سيد الاكوان
ومهجة البضعه اوياه تسعر نيران
شيِّد يحيدر الهه بيت الاحزان
ساعِد گلبهه اعلى الدمع والاشجان
تدريهه * تدريهه * متلوعه تدريهه
---------------
ساعدهه عل وَن والنحب يا بو حسين
تدريهه صارت رابع البكّائين
ايحگ الهه تگضي العمر لوعه وتمحين
وتجري الدمع دم لو نشف مي العين
ماذيهه * ماذيهه * فگد الأبو ماذيهه
--------------
ماذيهه فگد المصطفى وضاهِدهه
عل وَن يحيدر والنحب ساعِدهه
تعرف لون عنهه ارتحل والدهه
من عگب عينه الأمّه تصبح ضدهه
وترميهه * ترميهه * سهام القدر ترميهه
--------------
كسر الضلع اول سهم بيه تنصاب
والثاني طبرة هامتك بالمحراب
وسهام نعش الحسن يا داحي الباب
وسهام بالطف كل سهم بيه مصاب
وناعيهه * ناعيهه * ظل للأبد ناعيهه
--------------
عقيل الكاظمي / بغداد

❇️. قصائد الامام الرضا عليه السلام



يا مسموم بدار الغربة ** عانيت الايام الصعبة
---------- 
يا شمس الكرامة التشع منها شموس
ويا نفسٍ زكية طاعت الهه نفوس 
ويا مالك الدنيا الظل غريب بطوس 
ونار الغربة اتهيج بگلبة ** عانيت الايام الصعبة
---------- 
يا نور الوجود وعلة الايجاد
يا مركب نجاة لمسلك العبّاد 
يمن حبك ليوم الحشر خير الزاد
يا زاد المؤمن عد ربه ** عانيت الايام الصعبة
---------- 
يمن وجه العداله ابجبهتك أزهر 
ويمن ورد الأمل بوجودك اتعطّر 
يمن تنهى عن الفحشاء والمنكر 
يا نهج الايمان ودربه ** عانيت الايام الصعبة
---------- 
يا شرط الصلاة الواضح المعلوم 
نخاك الدين وانت بنخوته ملزوم
وصحت لبيك لجلك انچتل مسموم 
وصوت الحگ بإسمك لبّه ** عانيت الايام الصعبة
---------- 
صوت المحب صاح بصرخته لبيك 
مثل ما توفي ويه دينك يوافيك 
يهديك السلام واصبح يناديك 
سلمك سلمه وحربك حربه ** عانيت الايام الصعبة
---------- 
يا راضي بقضاء الله والاقدار 
وهو حسبك على كل الجره والصار
من السم غدت تسعر بچبدك نار 
وعيونك لديارك تربه ** عانيت الايام الصعبة
---------- 
عقيل الكاظمي

🟣  روي أن الحسين دخل على أخيه الحسن سلام الله عليهما، فلما نظر إليه بكى فقال ع: ما يُبكيك يا أبا عبد الله، فقال ع: أبكي لما يُصنَعُ بك، فقال له الحسن ع: إن الذي يؤتى إلى سُمٌ فأقتَلُ به، ولكنْ لا يومَ كيومِك يَزدَلِفُ إليك ثلاثون الف رجل يدّعون أنهم من أمة جدنا، فيجتمعون على قتلك وسفك دمك وانتهاك حَرَمِكَ وسَبي ذراريك ونسائك وانتهاك ثقلك، فعندها تحلُ ببني أميةَ اللعنةُ وتمطر السماء دما، ويبكي عليك كل شيء حتى الوحوشُ في الفلوات والحيتانُ في البحار

📚 المصدر/ امالي الصدوق / مثير الاحزان


https://hottg.com/ahadithalnour
https://www.instagram.com/ahadithalnour/?next=%2F

عليه مثل الغصن تثبت مره تنوح
تون روحي على مصابه مرت نوح
خانت نوح ما وفت مرت نوح
ومثلها السّمِمَت خير البرية

عقيل الكاظمي

الليالي لمهجتك ما يوم ريحان
بفگدك يل نبي الآمال ريحان
چبدك صوبوه والك ريحان
راسه انشال فوگ السمهريه
................
عقيل الكاظمي

❇️ قصائد الامام الحسن العسكري عليه السلام


#رئيسية


ينزف جرح ضامري لمصيبة العسكري
مسموم * مسموم بدار الغرب مسموم
--------------
احزان ، وأشجان * تتعاله بل وجدان
مجروح ، وبالروح * تتصاعد النيران
بحسرات ، وآهات * شفت الهضم ألوان
وبالعين ، جرحين * وبكل جرح عنوان
الأول على مصيبتك الثاني لهدم گبتك
ودموم * ودموم مدمع يصب دموم
--------------
لا زال ، چتال * مصابه ويهدّ اجبال
حنّيت ، ونّيت * وفيض الدمع دم سال
بلا راي ، عيناي * شافت صور اهوال
بالآه ، تنعاه * اتظل شيعته بهل حال
بدر المكارم افل بغيابه غاب الامل
وبهموم * بهموم عگبه تظل بهموم
-------------
بالآه ، تنعاه * أحبابه تتعناه
وأعبار ، أنهار * تجري لألم فرگاه
تلفيه ، تواسيه * وتشرح هضم دنياه
تبچيه ، تناديه * مصابك فلا ننساه
بي كل گلب منفجع جرحه ابمسيل الدمع
مرسوم * مرسوم فوگ الوجن مرسوم
-------------
بأخطار ، واكدار * عايش غريب الدار
مسجون ، مرهون * للمحنه والاكدار
سمّوك ، غدروك * چبدك تلاهب نار
ونْعاد ، وازداد * جور العده الأشرار
واللي مرد چبدتك عاد وهدم گبتك
مهدوم * مهدوم گبرك صبح مهدوم
-------------
مغدور ، بالجور * دمك صبح مهدور
وهل حال ، لا زال * اعليك الزمان يجور
مصابين ، سهمين * الأول چبد مجمور
ومصاب ، لهّاب * للمرقد المفجور
جرح المصايب نزف سيل الدمع ما نشف
ما لوم * ما لوم گلب المحب ما لوم
---------------
عبرات ، جمرات * تنزف على الوجنات
أشفار ، من نار * نرفعهه للثارات
هل صوت ، للموت * بي تعتلي الصرخات
هيهات ، هيهات * ننسه الجره هيهات
مهما يطول الزمن نصرخ يشبل الحسن
يا يوم * يا يوم يوم الوعد يا يوم
---------------
عقيل الكاظمي / الشارقة

❇️ قصائد الامام الحسن العسكري عليه السلام


#رئيسية

جيت اقره قرآن العشگ بيدي سلاحي
ثوب الوفه بسوح الحرب أصبح وشاحي
جندي بحشد حبك صرت ناذر دمائي
-----------
شبّت على حدود الوطن نار الخيانه
باعوا ترابه وخانوا حگوگ الأمانه
والأرخصوا هذا الوطن
خانوه بالسر والعلن
بالطائفية وبالفتن هزوا كيانه

شنوا حرب عل معتقد واضح هدفهم
دين الضغائن والغدر مبدأ سلفهم
وآنه اعلى دين المصطفى صار ابتدائي
جندي بحشد حبك صرت ناذر دمائي
----------------
راياتهم تشبه ضمائرهم مظلمه
ووجوههم صفره وأبد ما بيهه رحمه
اسم الله عل رايه انحمل
بس بسرائرهم هُبل
بسوء النَوايا والعمل عقدوا الهمّه

من سيرة ابن النابغه درسوا السُنه
وآنه اعلى منهاج النبي ما مِلِت عنه
سيرة الهادي والوصي هو الروائي
جندي بحشد حبك صرت ناذر دمائي
---------------
شنّوا حربهم بالحقد ضد الشريعه
وبدمهم الخسّه وجرائمهم شنيعه
مره بقتل مره بنحِر
وسبايكر شاهد عصِر
ويصرخ نزِفنه المستمر ذوله احنه شيعه

ولمّن وصل يم مرقدك جيش المطامع
رادتني ساحات الشرف عنك أدافع
ولبّيت والعالم سِمَع صرخة ندائي
جندي بحشد حبك صرت ناذر دمائي
-------------
حشّدني حبك والحرب بهواك عيدي
بسمك أحفّز همتي وذكرك نشيدي
ناذر بدربك منحري
وجرحي انتفض يل عسكري
وصرت بغرامك عسكري وسلاحي بيدي

يصعَد غُبار الملحمة وتصعد الغيره
وأعلِن هجومي والعدو يعلِن نفيره
يَسقط لواءه ويرتفع بالحق لوائي
جندي بحشد حبك صرت ناذر دمائي
-------------
أول سلفهم صاب بالمحراب جدك
وآخرهم بسم الخيانه صاب چبدك
المعتمَد صوب چبدتك
واحفاده هدموا گبتك
ولليوم ظلت غربتك وجروح فگدك

كلما أثور اعلى الخصم وبگلبي ناري
منهم أريد لچتلتك آخذ بثاري
واستشهد بسوح العشگ لجلك رجائي
جندي بحشد حبك صرت ناذر دمائي
--------------
بحِجر الشهادة من طحت يل غالي لجلك
ميت وعيني اعلى الدرب منتظره شبلك
وجروحي تنخه المنتظر
يا ساعه تظهر يا گمر
الدنيه انملت جور وخطر محتاجه عدلك

يل عسكري وتحت اللحد من صار أمري
ظليت اناطر والأمل تحضر بگبري
بيك ابتديت ويمّك ايصير انتهائي
جندي بحشد حبك صرت ناذر دمائي
-----------
عقيل الكاظمي / بغداد

❇️ قصائد الامام الحسن العسكري عليه السلام



صوره ابجبين الدهر ترسمهه سامره
متعلمه اعلى الغدر واحزانك بكل عصر
ترسمهه سامره
-----------------
صورة مصابك سيدي بذاك اليوم * تعكسهه مرآة الزمن للأجيال
باقي حزنهه بأثر واضح مرسوم * بوجه الزمن هل اثر خالد لا زال
من دهرك شگد يل حسن شفت هموم * انعادت نفسهه ونفس گوم الانذال
وهاي المحن سيدي نشاهدهه چم مره
نفس الظلم مستمر واحزانك بكل عصر
ترسمهه سامره
---------------
اوّل هضم بي فارگِت اوطانك * اويه الهادي جيت بأمر من السلطان
سنتين عمرك وابتدت احزانك * اگضيت العمر غربه ومآسي وأشجان
لا شيعتك يمك ولا أعوانك * وگبرك غريب اليوم بين العدوان
وتجددت محنتك يل غربتك مره
ونار الهضم تستعر واحزانك بكل عصر
ترسمهه سامره
---------------
مهضوم ودّعت الحياة ابهمّك * ومثلك تعَرف ابشيعتك مظلومة
حرموك من شيعتك محد يمّك * واصبحَت منّ ازيارتك محرومة
رادو أسود السجن تاكل جسمك * وهيبتك حتى للأسد معلومه
بنفس الخطر شيعتك تترقب الغدره
ودمهه صُبَح ينهدر واحزانك بكل عصر
ترسمهه سامره
-------------------
سموك والسم ابمهجتك اثّر * وعادو علينه من جديد مصابك
يل عسكري وگبرك السامي تفجّر * والدين طاحت هيبته يم بابك
انفجرت الگبه ابغدر أصحاب الشر * وطاحت كرامة شيعتك بَعتابك
عدوانك بيا ذنب للمرقد تفَجره
من عندك شتعتذر واحزانك بكل عصر
ترسمهه سامره
-----------------
چف اللي گطّع چبدك بذاك السم * بمصيبتك صوب دليل الإسلام
وفجّر ضريحك بالغدر وتهدّم * يبن النبي وأصبح هدف للإجرام
گبور البقيع اعليك نصبت مأتم * بنفس الطريقة استهدفوهه الظلاّم
من سيرة المُعتَمد ممتدّه هل زُمرة
تحمل نفس هل فكر واحزانك بكل عصر
ترسمهه سامره
---------------
هذا الجرح هيّج جروح البينه * ونندب الغايب سيدي لجل الثار
صرنه نصيح العجل يا مهدينه * يا ساعه تنهض يا سليل الاطهار
حكم الخوارج صار يجري اعلينه * بالقتل والتهجير من دار لدار
وصرنه بأمل طلعتك يمته يطر فجره
لهذا الامل ننتظر واحزانك بكل عصر
ترسمهه سامره
-----------------
عقيل الكاظمي / بغداد

❇️ قصائد الامام الحسن العسكري عليه السلام

رئيسية


ذا نِدائي * بِوَلائي ** لستُ انساكَ يبنَ محمدْ
صوتُ قلبي * سَيُلَبّي ** لستُ انساكَ يبنَ محمدْ
صرخةٌ في ذاتي رتَّلَت آياتي يا إمامي
-----------
صرخة من ذاتي وصداها يردد اسمك
رتِلَت آيات من قرآن همّك
اذكرِت چبدك سيدي ومصاب سمك
اوعلى فراش الفاجعة اتصوّرت جسمك
بأنيني * وحَنيني ** وفؤادٍ بحُزنٍ توقَّدْ
هاجَ حُزني * ذابَ جَفني ** لست انساك يبن محمدْ
صورةُ المأساةِ رَتَّلَتْ آياتي يا إمامي
------------
سيدي بدار الغرب خلصت سنينك
او لا حصل واحد على همومك يعينك
جمرة السم خمّدت جمرة ونينك
چف مماتك غمّض اعلى النوح عينك
بِرِثائي * وبُكائي ** سوفَ أنعاكَ دَهراً مؤبَّدْ
جمرُ وجدي * خَطَّ عهدي ** لستُ انساكَ يبنَ محمدْ
واستَمِع آهاتي رتَّلَتْ آياتي يا إمامي
-----------
سيدي يل عسكري يبن الأطايب
سنين عمرك خلصت آلام ومصايب
حتى شبلك غاب من غدر النواصب
سيدي ولا زال عن كل عين غايب
غابَ صبرا * صارَ فجرا ** بانتظارِ الظهورِ المؤيَّدْ
وشِعاري * بانتظاري ** لستُ انساكَ يبنَ محمدْ
ساكباً دمعاتي رتَّلَتْ آياتي يا إمامي
-----------
غاب مهدينه ولواء الثار بيده
وبفؤاده تنزف جروح العقيده
كَسِر ضلع الزهره وحسين او وريده
اوياه سكنت دار الاحزان البعيده
وَالبلايا * وَالرزايا ** بينَ أحشائِهِ تتجدَّدْ
فهْيَ تَسعى * وهْوَ يَنعى ** لستُ انساكَ يبنَ محمدْ
وجراحُ الآتي رتَّلَتْ آياتي يا إمامي
-------------
ياللي چبدك من لهيب السم تفطر
وبدياجير اللحد نورك تستر
خصمك بهل يوم رد باحقاده أكثر
واعلى گبرك جمع حشوده ونوه الشر
وَاعتقادي * بالجهادِ ** أُرخِصُ العمرَ واللهُ يَشهَدْ
في حياتي * ومماتي ** لستُ أنساكَ يبنَ محمّدْ
رافعاً راياتي * رتَّلَتْ آياتي ** يا إمامي
---------------
عقيل الكاظمي / بغداد

❇️ ولادة النبي الحبيب المصطفى محمد صلى الله عليه وآله وسلم


وُلِـدَ الليلةَ خيرُ الكائناتْ * فارْفَعوا أصواتكُمْ بالصلـواتْ
كل محب هل يوم ردد * صلـوا عل هادي محمد
صلــوات
--------
موطنه ابگلب اليودّه وشانه من شأن الجليل
ما حوت وصفه القصـائد عجـزت اوزان الخليل
مَــوْسَقِتْ كل القوافي الراقصه بلحني الجميل
وصدح صوت المنشدين بچلمة الشـاعر عقيل
أيُّها السّـامِعُ الحانَ الغرامْ * هَـبَـطَ الوَحْـيُ بِإلهـامِ الكَـلامْ
وبيهه صوت المحب غرد * صـلوا عل هادي محـمـد
صلوات
--------
يا قلم بـاللوح إكتب مـيم حـاء وميم دال
كل حرف يحمل معاني آيه مـن وحي الكمال
وارسم بلوح القـداسه صوره للحب والجمال
بمولد الهادي محمـد(ص) واسمع العاشگ شگال
هامَتِ الروحُ بِآفاق الوِدادْ * خَفَـقَـتْ بالحبِّ أركانُ الفـؤادْ
بمولد الحق الممجَّدْ * صـلوا عل هادي محمد
صلوات
---------
كل حرف قنديل أصبح يسطع بعرش الإله
يحمل اسـرار وعـوالم بيهه عقل المحب تاه
فاز من سار ابطريقه وتبَع نفس الاتجاه
تُستجاب الدعوه باسمه وما يخيب اللي رجاه
شَمسُ طه فرعُ أنوارِ الإله * هكذا من ربَّهِ أضـحى عُلاهْ
وبيه دين الله تأيّدْ * صلوا عل هادي محمد
صلوات
--------
يا گمر احجب جمالك عـن سمانه يا گمر
ويا شمس كفّي شُعاعچ عنچ استغنه البشر
أشرقت شمـس الرساله وضيهه عل كون انتشر
اليوم وجه الهادي ضوّه وبيّض اجبـين الدهر
ذا وليدٌ وَلَدَتْهُ المعجـزاتْ * ليسَ للنورِ ظِـلالُ أو جهاتْ
ابهل مثل شخصه تفـرّد * صلـوا عل هادي محمد
صلوات
---------
كائن بخَلقه المثالي ما يرافگ جسمه ظِل
نور مـن أقدس مشارق بل مغارب متّصل
اسمه ما بين الوجود وخـالقه همزة وصل
فرد واحد ماله ثاني وأصبح لكل محب خِل
هُـوَ في أَوْصافِهِ فَذٌّ فـَريدْ * هُـوَ لي أَقْربُ مِنْ حَبْلِ الوريدْ
وِبْسِمه العشاگـ فرقدْ * صلــّوا عل هادي محمد
صلوات
---------
يا گلب خلّي المشـاعر ترسل بأوسع مجال
وانصـب انترنيت حبّي وشبكات الاتصال
وبِث على الأقمار كلهه صوت هذا الاحتفال
خلّي كل الناس باسمه تتجه للابتهال
إِرْفَعوا أيْديَكُمْ نَحْوَ السماءْ * وَأَنا أسأَلُكمُ هـذا الدُّعـاءْ
والأمل مـنَ نوره يمتد * صلوا عل هادي محمـد
صلوات
--------
#عقيل_الكاظمي / #الشارقة

❇️ ابوذية ولادة النبي الحبيب المصطفى محمد صلى الله عليه وآله وسلم


واخضرارُ العَصا بيُمنى يديهِ
كاخضرارِ الآمالِ في يُسراها
الشاعر الكبير الشيخ كاظم الأزري رحمه الله


على الكون انهمر جوده بيمناه
استقر مسراه بالهادي بيمناه
مثل العصا امن اخضرت بيمناه
ابيساره اخضرّت آمال البرية
#عقيل_الكاظمي