جم راس بســيفك منحــــور
ولهلالك من دمنـــــــه نذور
وصبحك اضلم مابيــــه نور
ياعاشور ياعاشور
______ ١
هليت وهلــــت احـــــــزاني
وهلت دمـــــــعاتي على عيوني
وهلالك جن سهم بعـــــــيني
وسهم بكلبي وفوك متوني
وكمت احسب ساعات الخوه
وهم اخوانــــــــــي الغير لوني
وكتبــــها علخـــــــدودي ســطـــــــــور
وصبحــــحك اضـــــلم مابــــــيه نـــــور
__ ٢
هم بصدري وحسره بروحي
وتسله باهــــاتي ونـــوحي
وسيوفك متحزمه وتنــــهش
بضلوعي وتاكل بجروحي
وساعاتك جن ســـيل وهاجم
ضيع عمري وهد سفـــوحي
وكلبي بســـــــــــاعاتك مـــــــــنحـــــور
وصبحــــحك اضـــــلم مابــــــيه نـــــور
______ ٣
عالي ومرفوع انته هلال
بس لو تدريني بيــــا حال
من دمعه الدمعه واتحسر
ويتمرد منـــــــي الدلال
خويه حسين شرايك نرحل
لو تبقه بجفنه الاغلال
عن جــــــــــــدي اليحــصل مذكـــــــور
وصبحــــحك اضـــــلم مابــــــيه نـــــور
______ ٤
حسين هلاله بيوم العاشر
مرفوع علرماح الكـون
ليل نهار يراقب ضـعني
ودمعاته علعياله عــيون
هاطاحو هاحر الـمرهم
هانامو هسه يكـــــــعدون
ودمعـــــــــــــه عيــني وعيـــــــنه تفور
وصبحــــحك اضـــــلم مابــــــيه نـــــور
______ ٥
شف هلالكك شفت افعـــاله
وشقت حسين وشفت اوصاله
وشفت انه المعروفه بخدري
بكيد ومســــــــــــبيه بياحاله
وشفت الروس الكلهن غيره
علرماح عــــــــــــداك المياله
موت انته واســـــــــــمك عاشـــــــــــور
وصبحــــحك اضـــــلم مابــــــيه نـــــور
__
******** *****
✍ بقلم خادم الحسين ع
علي صيوان التميمي
@alisaioan
>>Click here to continue<<