★★★★★★★بسم الله الرحمن الرحيم★★★★★★★★
يا زهراء يا زهراء
يم الحسين موالين…لأن جاسج هظم يلـطمـولج لطـم
يكسرون العظم
والدمع صار مثل نار…علئ خدود المحب
حرگ حتئ الگلب
فلا نعشگ چذب
لحد يلوم وله يگوم...يذمنه اعلئ العشگ
ترئ احنه المنصدگ
نـحــب ونـحـتـرگ
يا زهراء يا زهراء
______
شيعتج كون يعرفون…مكانج ياكتر
يزحفـولج عمر
يشيدون الگبر
چا گصدناج بنيناچ…ضريح وگبتج
يـزهـره ورايتـچ
تلـم كل شيعتچ
خادمج صار بالافكار…امير اعلئ البشر
واليضدج خسر
غداً يشبع قهـر
غداً يشبع سقر
يا زهراء يا زهراء
______
خدمتج سور والصدور…اذا لطمت الج
بلطمهه تعاهدج
يزهره وداعـتج
ثار الج ثار مثل نار…ابد ما تنطفي
وجـرح ما ينشـفي
بگلب كـلمـن وفـي
الدافع الباب بلا اسباب… والموگع طفل يتحاسب عالفعـل
بحكـم جـداً عـدل
يا زهراء يا زهراء
______
الحرگو الدار ترئ اكبار…قصد عدهم قصد
لأن رادو يـــــــرد
علي يغيض ويهد
ورادو تصير معايير…تصير الهم نفع
علي يهد للظـلـع
ويخالف بالشرع
مقصد يكون علي يخون… بوصيته للنبي
وبعد ميضل علي
فقط هـوه الـولي
يا زهراء يا زهراء
______
عندج ابطال كالجبال… يبـلـعـون الارض
ومـحـبـتـكـم فرض
شرف بي نحتـفض
ام الحسين صفت وين…سؤال بكل فكر
ادفنتهه بيا كتر
علي وين الگبر
عدنا موعود اذه يعود…يعرفج ياكتر
ونجـيـج ونبـتـشـر
ونصلي اعلئ الگبر
وره سـيد الـعـصـر
يا زهراء يا زهراء
______
خادم الزهراء عليها السلام
علي حسين الفرطوسي
>>Click here to continue<<