نعقد المجالس، ،،علي بيها حارس
لا مرض يهمنه، ،،صرنه كلنه عابس
مجالسنه نعدها و تحضر الزهره
و الجو الملوث بالبچي نعفره
المخنوگ بلطمته ينفتح صدره
الخادم يگلك فدوه الك عمره
يگضي كل سنينه،،،،بلوعته و ونينه
و الحزن ثوابه ، ،،،،و بالعزه ينافس
************************
ضحينه و نضحي و هاي مو بدعه
و أكتـبنـه عـقـيـده بقـطـرة الدمعه
بضمايرنه الحسين نشوفه و نسمعه
مشينه ابهالطريق و ماكو بي رجعه
ديـّنـه الـحـقيقه، ،،نلتزم طريقه
شفنه بي مآسي، ،،و يظل النه هاجس
***********************
من يجبل محرم ما تظل ديره
ما ترفع سواد و تحيي هالسيره
بحبهم لا تصدگ بالحشر حيره
و بحب الائمة ننترس غيره
حبهم الهدايه، ،،و هالحچي بروايه
النبي اوصى بيهم، ،،من اول و للخامس
***********************
عشگناه اليقسم النار و الجنه
إمام الي يحبه الشيعه و السنه
هو الــديـن صـار و بيه آمنه
و ما خاب الذي لزيارته أتعنه
زايره يتجازه، ،،ما يردله عازه
و اليلمس حظرته،،،،، للشفا ملامس
***********************
الشاعر كرار الفرطوسي
>>Click here to continue<<