،،،،،،،،،،،،،،،،،بسم الله الرحمن الرحيم،،،،،،،،،،،،،،،،،،،،
عليمن جاي عاشـور★وخوتي جوه الكبور
يجي يرجع غربتي★يذكـرني بحسرتي
وخوتي جوه الكبور
★★★★★★★★★★★★★★★★★★★★★
مـن عندي يعـاشـور بـعد شنهو التريده
عليمن ياشهر جـاي تريد الـطف تـعيـده
بعـد ماعـدهه خوان ترئ زينـب وحيده
وبعد ماعدهه كفال وتحط ايديهه بيده
خذت كل اهلي دنياي★بقت بس دمعتي وياي
دمع بس مو سلوتي★يـذكـرني بـحــسـرتي
وخوتي جوه الكبور
★★★★★★★★★★★★★★★★★★★★★
بعد من عندي شتريـد شنـو الظل ماخذيته
كضت من عمري السنين وسوادك ماكضيته
شـذكر يا شهر بـيـك درب يـسـر الـمـشـيتـه
لو جمـر الخـيـم ذاك الـكـبل دستـه ومشيته
اذكـر وحـشـة اللـيـل★ولمـن هجمت الخيل
بـيـامــك كـسـرتــي★يـذكـرنـي بحسرتي
وخوتي جوه الكبور
★★★★★★★★★★★★★★★★★★★★★
مــاريــدك يــالـهـــلال ولا ريـــدن لــقـــائـك
انحنه ضهري امن الهموم مثل هذا انحنائك
اشــعـر للــشــمـر صـار يـعـاشــور انـتـمائـك
ابــد مـــا عــنـدك ويــاي ذرة مــــن ولائــك
تجي وبيامك تعيد★تكسر خاطري تريد
تجي تنزل دمعتـي★يذكرني بحـسرتــي
وخوتي جوه التراب
★★★★★★★★★★★★★★★★★★★★★
ترئ الماعدهه خوان غريبه بنص وطنهه
تـمـوت الحـره اذا كـام يـتـشـمـت حزنهه
مـثـل متـمــوت الاسـرار اذا واحد دفنهه
خلصت بيه السنـين وضلـت بس محنهه
يهل اهلاله كل عام★وارد اتذكـر الشـام
ترئ اهلالك محنتي★يـذكرني بحسرتي
وخوتي جوه التراب
★★★★★★★★★★★★★★★★★★★★★
عشت بين اخوتي وبين حـمـاي الحميه
جـنـت ام الـخـدر ذيـج حـره وهـاشمـيه
بـس اتـغــيــر الـحال بــهـــلالك عـلـيــه
صـرت من بعد الخوان مجتوفه وسبيه
شذكر ياشهـر بيـك★ذمــه مــا ابـريك
يل مـاخـذ فرحتي★تذكرني بحسرتي
وخوتي جوه التراب
★★★★★★★★★★★★★★★★★★★★★
خادم العتره/ علي حسين الفرطوسي
نسألكم الدعاء
>>Click here to continue<<