" اثر "
ينقل لي احد الاصدقاء قصة عن ابوه
يقول ابوي من كان طفل كان مريض وكان متعب امه وابوه معاه بقوا فترة طويلة من دكتور الى دكتور يفترون بي وماكو نتيجة بحيث صابهم اليأس منه ومن حالته يقول (على رغم من ابوي بعد سنوات من طفولته تشافى من المرض والله كان كاتبله عمر يعيش ) ولكن وهو بعمر الست سنوات الى سبع سنوات كان ابوي وهو طفل واعي ويميز ويفهم وهو كان مريض وتعبان وابوه وامه تعبانين معاه يقول ابوه وهو يأس منه قال له كلمة قال ( لو ميت ومخلصنا من هذا التعب ومخلص نفسك لو ميت مو احسن من هذا الظيم) بقت هاي الكلمة بنفسه وبخاطره ،يقول والله يا أحمد الان ابوي بعمر الثمانين سنة وانا وخواني اكبار ومزوجين وعدنا اطفال والى اليوم ابوي كلما يذكر ابوه او يقرأ له الفاتحه يذكر هذهِ الكلمة ويبچي ،ويقول يوم من الايام سألته گتله بابا ليش الى اليوم تذكر هاي الكلمة رغم مرات من عمرك سنوات جاوبني قال لي شوف حتى من اموت وانتقل الى الله واجتمع مع ابوي راح اذكره بهاي الكلمة ( واگله بوية انت من جنت انا طفل ومريض انت گتلي ، "لو ميت ومخلصنا من هذا التعب " بوية للقيامة هاي الكلمة تأكل بكلبي ) يضيف ويقول
:يا احمد المعجبني والف سؤال بعقلي يدور ان ابوي بعد كل هاي السنوات وهذا العمر ومر بأصعب ظروف واصعب مواقف وگدر يتخطى كل هاي الاشياء ويتخطى كل هاي السنوات بس ما گدر يتخطى هاي الكلمة ماگدر يا احمد …
☆ 📚 أجمَـــــل القِصَصُ 📚 ☆
📲 Telegram : @ajmalgasas
>>Click here to continue<<