#قصائد__الامام. الصادق
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴أمامـي وجعفــري كلهـم يسموني😭
ــــــــــــــــــــــــــــــــــــــــــــــــــــــــ
قصيدة لشهادة الامام الصادق عليه السلام.....4/3 الشيعتي
..............المستهل.............
آية ادموع ودمه
تنزف بخد السمه
جعفر الصادق حزين ابكل مسيه
يجري من اعيونه جمر الغاضريه
هذا حاله.....هذا حاله
.
.
هالمسيه انظر امامي بخلوة . الروح
من هظم دمعة خياله. فكره مجروح
كل وكت ينظر حسين ونحره مذبوح
عثرت الخيل اعله صدره ودمه مسفوح
.
فکره ينزف لوعته
روحه تندب غربته
شما يفکر يستمع. عبره. ورزيه
يجري من عيونه جمر الغاضريه
هذا حاله..... هذا حاله
ـــــــــــــــــ ❁ ❁ ❁ ـــــــــــــــــ
جعفر الصادق دموعه كلها . آيات
من جمر تـنزف على جروح المعانات
دمعه انظر بيــها صوره لليتيمات
چن حميده وسکنه من يمشن سبيات
.
چن رقيه تنسطر.
ويلي بچفوف الشمر
من تلوذ بزينب وزينب سبيه
يجري من عيونه جمر الغاضريه
هذا حاله.....هذا حاله
ـــــــــــــــــ ❁ ❁ ❁ ـــــــــــــــــ
لو نظر للماي اشوفه. يشهگ . انفاس
شهگة من نار وتشب من نبع الاحساس
بالعذب ينظر شـريعه ويمـها حراس
وبالجرف دامي يشاهد. عمه . عباس
.
مايروي چبدته
بعينه تنزف دمعته
يدري سكنه تنتظر من عمها جيه
يجري من عيونه جمر الغاضريه
هذا حاله....هذا حاله
ـــــــــــــــــ ❁ ❁ ❁ ـــــــــــــــــ
من. يغمض. لاتظنه. الصادق. اينام
من يغمض يعني يسمع رشگ السهام
ينظر . امراكض يتامه من الخيام
وينظر العمـته وحيـده ويمها ظـلام
.
هيه هايه علته
چي سبيه عمته
کل مسيه يشهگ انفاس المنيه
يجري من عيونه جمر الغاضريه
هذا حاله...هذا حاله
ـــــــــــــــــ ❁ ❁ ❁ ـــــــــــــــــ
لو نعى الناعي مصاب الغاضريه
جعفر الصادق يون. ونه خفيه
من . يگله يا أمامي. ابهالمسيه
عالحجر نامت. حبيبتکم. رقيه
.
ونّته الماتنسمع
بکل نفس تکسر ضلع
ونه تشبه ونة الزهره الزچيه
يجري من عيونه جمر الغاضريه
هذا حاله...هذا حاله
ـــــــــــــــــ ❁ ❁ ❁ ـــــــــــــــــ
گلبه من. ينبض يرتل. بالمصيبه
کل فجر سهم الحزن ويلي يصيبه
چم يتيمه عنده مهظومه وغريبه
من نوايب علته أيس طبيبه
.
مايهيد ومايطيب
والله ياجرح الحبيب
عشنه لحظه وي أمام الرافضيه
يجري من عيونه جمر الغاضريه
هذا حاله...هذا حاله
.
.
تمت ولله الحمد..
لاتنسوني ووالدي من فضل دعائكم المبارك.
.
حسن الموالي الفاطمي
ــــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
>>Click here to continue<<