لشوكت زينب تضل بحزانهه
النهضتك تربي يليث اكوانهه
،،،،،،،،،،،،
النهضتك تربي وتنادي يالغيور
اقسم عليك بظلع دامي ونحور
ثار عندك ياوكت عمه تثور
لشوكت ابقى غريبه اوطانهه
،،،،،،،،،،،،،،
لشوكت زينب تضل يبن الحسن
بدار غربه والدمع شبه المزن
مثل عمتك ياگلب گلي امتحن
ويامره الشافت چتل وليانهه
،،،،،،،،،،،،،،،
يامره الشافت مثلهه چم مصاب
سنين خمسه وجرعت مرالعذاب
من زغرسنهه البست سودالثياب
والدمع جمره ويچوي اچفانهه
،،،،،،،،،،،،،،،
دمع يچوي چفان بت خير العمل
لفگد جدهه والظلع بيهه اشعمل
يوم حرگ الباب فك باب العلل
اعليهه والبسمار خط عنوانهه
،،،،،،،،،،،،،،،
اعليهه والبسمار كاتب چم بله
بعد فاطم حيدره البچه العُله
يو مصاب الحسن يو هم كربله
البيه شافت روس تعله ابزانهه
،،،،،،،،،،،،،،،
گوم يبن الحسن لملم للشمل
زينب اتناديك بدموع التهل
بالسبي لا وين ابقى يانفل
ثورتك يمته يحل ميحانهه
،،،،،،،،،،،،،،
ثورتك يمته تحل يبن الامام
تنصب بطف كربله الزينب خيام
أدري بعيونك سهاره ولاتنام
وادري بس دموع اصبح شانهه
،،،،،،،،،،،،،،،،
لخادم خدمة الحسين ع
ابو عمار الدراجي
https://hottg.com/adoamar
>>Click here to continue<<