تبارينه الذمم والحب طويناه
وشمرنه الذكريات حجاره بالبير
ومادام النهر ضيك عبرناه
وكلمن خلي يذكر صاحبه بخير
صدك عدنه هدف بس ما وصلناه
مشي الحفاي نمشي على البسامير
ولو كلشي اليضيع النا منلكاه
خشب ويصير بحلوك المناشير
شلك بإنسان مثلي الدهر شلاه
احسن ما اطيح وبيه تحير
لو يدري رحيم البشر وياه
ربك ما يسوي اجناح للطير
جا حتى السمج بالكاع خلاه
لاكن كلنه نعرف هاي متصير
بشرنه اليوم منهو ايعيش وياه
والي بيه يأمن ركبته تطير
كاظم إسماعيل الكاطع ..
>>Click here to continue<<