يا جرح گلبي رقية
يا جرح خليك بيه
وارسم الدمعه اعلى دربي
واكبر شما بيك اكبر
كون غيرك
بعد ما يرهم لكلبي
يا جرح طعم الطفوله
يفكده المودينه مسبي
عز رقيه فاركاها
وفاركت احلامها وراحت سبيه
يا جرح كلبي رقيه
.
يا انيسة گلب ابوها
اليفرح بنگلة جدمهه
من تحط جفها الزغير
بخنصر العباس عمهه
ورايته ترفرف وراها
وجان بيده يجيب ماي
الاكبر ويروي ضماهه
شلون كلبه اطاه الحادي
وبالدرب ذاكه حداها
اليمشي درب الشام يتمنى المنيه
يا جرح كلبي رقيه
.
يا ديانه الترضه بيها
وبيها يقبل يا ضمير
طفله متروسه برائة
ينجتف جفها الزغير
نكول اهل الغيره شحت
شنهي ما جان اكو واحد
طفل عنده
يخاف طفله يصيرله نفس المصير
شلون صارت
والعبد يغفى على فراش الحرير
وعالترب يغمض جفن بت الامير
كسرة هاي تعيش بيه
يا جرح كلبي رقيه
.
غمضت لنها تشوفه
العاشت بفيه اميره
ونكتت اتراب العليها
حتى ما يحترك كلبه
ويدري ببنيته اسيره
شبكته وكالتله بويه
لا تهم بنتك جبيره
السبي ما تعباني
الركض ما تعباني
العطش ما تعباني
التعب هذا التشوفه
امن اشتياقي لحضرتك
وهسه نستني يبويه
كلشي هايه شبكتك
يا هلا بجيتك عليه
يا جرح كلبي رقيه
>>Click here to continue<<