يا غريب الغرباء
يا ابا عبدالله
دار الوكت
والحسين لوحده ضل بكربله
واخته زينب حايره تباوع اله
وحده واكف حاط سيفه بيمنته
وخيل حد الشوف متروسه الفلا
.
يا غربتك يا ابن الزهره
وحدك وخيل العدى كثره
زينب تصد ما بقت ساعه
اووي اخوها تنتهي العشرة
………………..
دار الوكت
وضل حبيب الزهره حاير بالحرم
شلون ينطيه گلبه وينگله الجدم
يدري اذا يطلع بعد ما رجوع
وخيل عدوانه تگرب للخيم
.
الدنيا صارت ضيگة بعيونه
وگربت خيل اليطلبونه
ولو طلع يدري الحرم تمشي
اويه اليعطشونه ويسلبونه
……………..
دار الوكت
وماكو اليقدم لابو اليمه المهر
لنها اجته بمهرته ام الخدر
بيدها زتت اخوها للحرب
يا عظم گلب العقيلة المنكسر
.
يا جرح گلب العقيلة اخته
ابن ابوها لمقتله اتزته
وحده بين الالف خياله
وما بضهره هاشمي يبخته
……………….
دار الوكت
وطاح من مهره الحسين اعلى الترب
طاح واسهام العدى بنص الگلب
زينب اتعنتله من التل ركض
ويلي زينب طلعت گبال الغرب
.
يا كسرته وكبر ضيمه
شاف اخته تركض بهيمه
وبالمشاعل غارت العسكر
وخيمة كامت تحرك بخيمة
>>Click here to continue<<