حُبْ حبيب امن الطفوله
بزغره مات بسبب حبك
ورجعت روحه برحمتك
ومن كبر مات اعلى دربك
.
الموت بالحب حياة
موتني بيك وخل اعيش احلى ايام العمر
ما اريد اشم الهوه
لو اسمك يمر يا حبيبي وكلبي ما ينكسر
شيفيد كلي العمر
للضل حبيبه ابلا اخو حاير بذاك الضهر
.
بشيبة حبيب وكسرتك
اكسر دليلي لوحشتك
غربني كد ما غربك
من طاح شايل رايتك
............................
بكربله مثلها عابس
كل مفاهيم الشهامه
بالجنون الشاله عقله
صار سلطان النشامة
.
جنني حب الحسين
كالها من كل كلبه من حط عينه بعيونك
ذاب بهواك العذب
واطاها حكها بكربله كلمة المجنونك
اختار ف السهم
جي يدري قكما يكدر يعيش لحضات من دونك
.ت
الشايل بكلبه نينوى
بماي غيرك ما روى
لو لحضه عنك يبتعد
ما يكدر يشتم الهوه
.....................
وهب جان بصحره عايش
وانت مريت بطريقه
ومر هواك ولاح كلبه
وشم عطر حب الحقيقه
.
هوه كربله هب
ورايد اشم ريحة غرامك من رماد الخيم
فزز بروحي وهب .
ودليني بالحب الحقيقي كافي اعيشذ ابوه
غزر بعينه التعب
وجي انت ضامي ريجه هم من العطش ما سلم
.
جانت عشرتة اويه الضمه
عشرة وريد اويه الدمه
دليني يمدلي وهب
وخل ارضي امك فاطمة
........................
من زهير اطيني غيرة
وخل اشم حب الامامه
وخل اضحي بكلشي عندي
مثل ما ضحى لغرامه
.
كربله تريدالشهم
اليوفي بالحب حتى لو جان الثمن اهله
التضحيه باب العشك
ولازم يضحي المن صدك رايد رضا خله
علمني اضحي الك
الضحى لخيامك سيدي بعين ام حسن يحله
.
اكسرني يالكاسر ضعن
بيه كل عزيزات ام حسن
اشكد تعبن بذاك اليسر
تالي بخرايب غمضن
.........................
جون مدري اشاف كلبه
وضيع بحبك حياته
جي صدك هام بخيامك
حززن بساعة مماته
.
جلمه من جون العبد
غيرت معنه الاحبك لمن وكع بالحرب
اتبده دم كلبه الوفي
وهو يكلك ها رضيت ياغرامي البالكلب
كتله يا جون الوكت
ساعات ويخليني عيني اغمضها فوك الترب
.
محلفك بجون وغيرتك
اطيني دمعه لغربتك
شيسوى العمر يا ابو علي
وبالهيمه صارت نومتك
لطلب اللحن
>>Click here to continue<<