عباس . هيبة الله وكل جماله انحط بالعيون
عباس . تمشي والبيرغ يرفرف فوك المتون
عباس . شكبر حضي وعندي ابن للزهره منذور
عباس . يا حلاتك وانت اسمك كافل ام عون
.
امشي ومرفرع الراس
غير انه ابني عباس
الينكط غيره واحساس
.
اتبيضه وجهي يمه بكربله كون
كون ترضى عليك الغاليه ام عون
ولو يبني رضت سلطانة الروح
كلشي بالدنيه يمه كبالها يهون
…………………….
يا عون . لعضيدك كمر هاشم صيرله عون
يا عون . حطو ايد ابيد يبني وحامو الضعون
يا عون . واليحاول خطوة يكرب يم الخيام
يا عون . شوفه ولد الحيد من يغضبون
.
لو واحد يدنى الخدر
اركب ييمه المهر
واكسر ضهره كسر
.
مثل حيدر اريدك تسبك الريح
لون تسمع عقيلة هاشم اتصيح
طيح يم الخيم لو رايد اطيح
عالورد يمه شحلاته الندى امن يطيح
…………………………
جعفر . انت زودي التعادل يبني جيشين
جعفر . طولك شمحلته وشمحلاتها العين
جعفر . يا شجاعة حيدر ويا ضهر عباس
جعفر . احلى وشما بيك احلى بعين الحسين
.
اليحله بعين الحسين
بهيبة يكضي السنين
يعيش احلى عشية وحنين
.
البس اهدوم الحرب واتعنه للماي
عالنهر بين حلاتك يبني وارباي
خلي كل الناس تدري ام البنين
ماكو واحد من ولدها موش وفاي
……………………………
يبني . انت يا عبدالله يمرجف الخيل
يبني . نسله اكطعه اليريد بضعنك يعيل
يبني . صير مثل النجمه يم اجتاف عباس
يبني . وشحلات النجمه يم الكمر باليل
.
شدو ضهر بضهر
انت واخوك الكمر
وروحو يم النهر
.
العنده يبني مثلكم هيج خوان
يغمض اعيونه وينام بامان
كون حتى الزرع البصف الخيام
كون ما يبقى يا عبدالله عطشان
………………………..
ولدي . راسي ضل مرفوع بيكم يالنشامه
ولدي . كلوبكم متروسه بس حب وشهامه
ولدي . بكلشي ضحو يمه بس يرضى الحسين
ولدي . كون تبقى بكربله بهيبة خيامه
.
دكو اطبول الحرب
وضحو بدم الكلب
لو تدنى منه الغرب
.
لون شفتو حسين يا ولدي حاير
خلو ايد بايد وافنو العساكر
باجر يبين الوفه ويبين الزين
كون احجي بهيبتي يا يمه باجر
لطلب اللحن @k_rark
>>Click here to continue<<