بحكي قال:
اكتر من عشره سنين صحبتنا صحبتنا الكانو بضربو بيها المثل في الخوه النضيفه كنت مستعد اموت عشانو وهو كمان كان اخوي الماولدتو امي كنا دايما سوا في اللمات والقعدات والجبنات كان بحكي لي مشاكلو وانا كمان يعني بإختصار اي واحد فينا كتاب مفتوح للتاني حتى الجامعه ما اتفرقنا دخلنا نفس الجامعه يمكن مجالاتنا كانت مختلفه بس برضو سوا حافظين جداول بعض وبستنناني وبستناهو اصلا ود حلتي وبيتنا لصاق بيتهم وزي ما معروف الجامعه مجتمع مختلف تاني والحساد كتار وانا ماكنت داخل في دفعتي كدا شديد واتعرفت عليهم عن طريق صحبي طبعا هو عكسي تماما انا زول هادي وهو زول اجتماعي مكملين لي بعض .... هو عرفني علي دفعتي اتعرف عليهم وهو عشان دايما معاي الناس اتخيلت انو بقرا معاي نفس التخصص ومرات كان بحضر معاي محاضراتي الخوه النضيفه بالجد بس زي ما بقولو الشيطان شاطر..... فتره مرت علينا ما كنا بنتلاقا كتير هو مشغول بي محاضراتو وامتحاناتو وانا مشغول بمحاضراتي حتى في الحله ما كنا بنتقابل وعارفين الفتره بتاعت الامتحانات والضغط بتاعا ولازم نرفع معدلنا وحتى اللمات والجبنات وقفناها حكايه شهر كامل ماشوفتو تقريبا حتى المكالمات كانت بسيطه بيناتنا الفتره دي اولاد الحرام كتار الاترصدو لينا وكنت انا الضحيه بتاعتم ما اكضب ملو لي راسي وبقيت مصاحبم هم وشي سجاير مع انو ماكنت بسجر نهاييي وصحبي حتى مكالماتو ما كنت برد عليها جاني بعد اخر امتحان ليه ووثبتني وقال لي يا مان مالك الايام دي ؟! وانا بولع سيجارتي قلت ليه مافيني شي قال لي ومن متين بتسجر انت عايز يقلع مني السيجاره فكيتو واديتو بنيه بس هو لحقني بي بنيه تانيه وبدينا نضارب وهو بقول لي اوعى لي حالك يمان شايف البقيت عليه فكونا يا الله ومشا هنا بدا الشيطان يلعب دورو مكالماتو قلت لي وانا بقيت في عالم تاني وقلبي اتملى اتجاهو حقد ما طبيعي اصحابي لعبو بي عقلي كنت بشوفو في كليتنا كان عندو معارف كتار ومنهم من دفعتي وزي السمعتو انو وروهو تغيري المفاجئ والناس الانا حاليا مصاحبهم بقا يرجع يتواصل معاي وفي النهايه انا بلكتو وحتى في الحله لامن نتقابل هو بحاول يجي يسلم علي انا بتجنبو هو يئس وانا تابعت حياتي مرت سنه صعبه علي بقيت مدمن فيها حالتي بقت صعبه عديل حتى السميتم اصحابي وبقوني في الحاله دي اختفو من حياتي بعد ما بقوني زيهم كنت بجيب منهم المخدرات واسع هم اختفو في يوم طلعت قلت لازم الم قروش حاولت اسرق نطيت حيطه جيرانا وهو بيت صحبي داك بس للاسف وانا بسرق هو شافني وجا علي ما صحا ناس اهلو ولا كورك ساقني من يدي وطلعنا حته كدا كنا بنقعد فيها زمان ووقع فيني ضرب وهو كان ببكي وبضربني حالتو كانت اكعب من حالتي من الغضب ودموعو الكانت بتنزل قال لي ما كان العشم يا صحبي اخر الزمن يحصل معاك دا كلو وانا بعرف من الناس احنا الكنا ما بنخبي حاجه عن بعض احنا البنحاسب بعض علي الحاجات الصغيره والكبيره حتى ياخ انا اول ما حبيت ما كلمتها هي جيت كلمتك انت تجي تسجر وشويه وشويه اكتشف انك بقيت مدمن يااخ كان ما رعيت لي صحبتنا راعي لي امك الجاتني تبكي وتجي تقول لي الله يرضى عليك شوف حاله ولدي صالحو امشي معاهو امك اللي هي امي الكنت الما بنرضى فيها تجي تشكي لي منك وهي دموعا لي حلقاها ما حرام عليك ابوك الله يرحمو لو جا شاف الامانه المسكك ليها وهي بتبكي كدا ما كان خلا امانتها عندك يا خايب دا اخرك مع الرجال وهو لسه بتكلم وبرغي وانا سامعو بس صوتو بقا لي بعيد تاني ما وعيت علي شي والا انا في المستشفى وصحبي دا ماسك يدي وراقد وببكي اول ما صحيت ما عاين لي في وشي قال لي انت حاتتعالج وجمدنا ليك السنه وحاتتعالج يعني حا تتعالج واحمد ربنا انو جات علي كدا بس ولقايت ما تتعالج عندي معاك كلام تاني ....بدت رحله علاجي كانت اصعب من فترة التعاطي بس قدرت امر منها صحبي كان دايما معاي بزورني دايما حتى امي يوم طلعت خلاص من العياده التأهيل كنت مبسوط وحسيت نفسي احسن بي كتير امي الكانت معاي اول شي بستها في راسها ويدينا ونزلت بست رجلينها وطلبت راضاها وبكيت معاها واعتزرت ليها ورجعنا كنت مبسوط حا اقابل صحبي الوحيد كنت فاقدو شديد واستغربت انو ما جا يستقبلني اول ما قربنا لي البيت اتفاجأ بي صيوان جمب بيتنا مشينا عليه وانا قلببي مقبوض شوفت اخواتو ومعاهم حبيبتو ببكو بي اعلى حس وامو بتبكي وماسكه سبحتها وبتستغفر وسامع جمله الليله ياحليلك ياولدي ياحليلك ياجناي ولدي الرزين ولدي الكل الناس بتحبو اول ما امو شافتني جات علي وقالت لي صاحبك الكنتو دايما سوا فات خلانا فات مشا لي ربو مشا فات وايي ياولدي حرقت حشاي يازينه البيت انا ماقدرت استوعب بركت في الارض من الصدمه طلعت مني صرخه خلت الناس كلها تنتبه لي وجو كلهم رفعوني وقالو لي استغفر وانا اصلا ما كنت واعي معقوله صحبي الكان معاي قبلي ايام بس وبضحك وبونسني مشيت دخلوني غصب ودخلت وشوفت جنازتو ومشيت وشلت معاهم الجنازه وانا ما واعي وببك
>>Click here to continue<<