{ فَأَمَّا الْيَتِيمَ فَلَا تَقْهَرْ }
مـرحبـا ...
انـي اعـرف وكُلش حـاسة هاليـومين چـانوا كُلش حِمـل چـبير وثگـيل ومينـشال ! ، مو سهـله انُ ماعنـدك ام مو سهـله بيـوم الام متگـول كُل عـام وانتِ بخـير امـي ! ... كون على ثقـة عُمـرة هالشـي مَكـان ابتلاء ولا رح يكـون ابتلاء ، هالـشي نعـمة ورحمـه من اللـه الك ، مُمـكن هالشي قهرك ، كسـرك ، بچـاك ، ضيعـك ، نهـاك ، مـرضك ... لكـن انت متعـوف شنو المَضموم الله ادرى بمصلحتك وادرى بالشي الانسب لكُل البشرية ، مُمكن اخذ منك أم لكن عوضك بأب أخذ مكان الام والاب بنفس الوقت ! ، او كأنُ عوضك بأخت مُتلبسة بهيئـة امُ او اخ ، صديق ... الخ . او يكـون ضاملك شي چـبير كُلش بالمُستقبل شي مُمكن ينسيك كُل القهر والحُزن الي عشتـه قـبل بسبب هـل فُقدان او ( الخـسارة ) ، كأنُ مضمولك شخـص يعوضك عن عائلة كاملة مو بس أم ويكون هـدية من اللـه ! ، او كأنُ يعوضك بشهـادة او مُستقبل او وظيفـة مثالـية وتلگـه راحتـك بيهـا ، او كأنُ تصيرلك عائلـة مُتحـابة ومُتمساكة ومَثالـية وابنـاء بـارين وعـطوفين ويشبهـوك ! ، او كأنُ الله يعوضك بنفسك ! يعني شـلون كأنُ ينطيك الامآن والراحـة والاستقـرار الداخلي وتكـون مكتفـي بنفسك ومُطمئن دائمـًا ، لذلك ثق بأختيارات رب العالمـين ودائمًـا گول الحمدلله على كُل شي لان حـرفيـاً كُلشي من الخالق نعمـة ونعمـة جـدًا عظيـمه ...
اخـيراً حُب كُلش چبيـر الكُـم ولگلبـكُم النـقي كُلش يشبهه نقـاء روحكُم ، ابتـسم تمام 🤍! ...
- ملاك القيسي🤍.
>>Click here to continue<<