دڵ ئەوا کەوتۆتە زیندانی غەمت قوربانتم
تایەکی زولفت بنێرە بەڵکە بۆم دەربێتەوە

تۆ خودا تاکەی لە تاریکی شەوی هیجرانی تۆ
دەستەوئەژنۆ دابنیشم ڕەببی کەی ڕۆژ بێتەوە


#حەریق

ئەی ڕەفیقان گەر ئەپرسن ئەم برینانە چییە؟
تیرەبارانی نیگاهی شۆخی غەدداری منە


#ئەحمەد_موختار_جاف

دیسان سەرلە نۆ ماڵ وێرانیمە
تەمو تەمەلوول سەرگەر دانیمە

دیسان وەک جاران شین و زاریمە
خەم و پەژارەی دەردەداریمە

دیسان چەرخەکەی چەواشەی بەدخوو
بۆ ئازاری دڵ کەوتە هات و چوو

دیسان قرچەی زام دەروونی ڕێشم
زوخاوڕێژ ئەکا جەرگی پڕ ئێشم

گەردوون هەرتاوێ جەورێ ئەنوێنێ
چەشنی بایەقووش بەزمێ ئەخوێنێ

گەردون کردەوەی  نامرادی یە
دۆست لە یەک کردن دڵ ناشادیە


#قانع

قەبووڵ نابێ حەجی کەعبەی ویساڵت
ئەگەر دڵ حەڵقەیی ئەو زوڵفە بەر دا

لە جێی تیرت دڵم دەردێ لە سینەم
بەئیستقباڵی تۆ گەر بێی لە دەردا..


#سالم

ئەگەر وەعدەم بە مەحشەر پێ‌ بدا دولبەر گەلێ شوکرم
لەسەر پردی سیڕاتیشا خەیاڵی ئینتیزاریمە..


#قانع

من تێدەگەم
ئەوەی ڕابرد، وەگیر نایێ،
ئەوەی دادێ، هەر مردنە.
هێندەم بەسە، کە تۆ ئێستا
سەرت لەسەر باسکی منە.

#پەشێو

قیبلەکەم بەو زاری هەر وەک غونچە
بۆیە پێکەنی..
دا بڵێن خەندەی لە گوڵ دێ
ئابـڕووی پەروین دەبا..


#وەفایی
زار: دەم

بۆ وەفاتم گەر وەفایێ کا بە ھاتن یەک نەفەس
لازمە دەستەودۆعا بم تا ئەبەد من بۆ وەفات


ماھی ڕوخسارت کە جیلوەی دا لە شامی پەرچەما
ڕۆژ بەڕووزەردی لە مەشریقدا بەرەو مەغریب ھەڵات


#ناری

شەوێ درێژه ئەم شەوە
خودا بەسەر کەسا نەیێ..
دووچاری کەس نەوێ لەوا
ئەوی که من دووچارمە..


#زاری

تا لە پارشێوی خەیاڵت تێر ئەبم
دێ لە ئاهەنگی سەڵامان مەرحەبا..


#ماتەم
مەلا جەماڵی ڕەسووڵی

ئەگەر مەجنوونی تۆ نیم لەیلەکەی بێمەیلەکەم بۆ چی
لە ھەر کووچێک و بازاڕێکیدایە داستانی من..


#وەفایی

چاوەکانت ئەمکوژن لاکین شەکەرخەندەی دەمت
دائیما بۆ کوشتنێکی تازەتر ئیحیام ئەکا

وەک چرای فانووسە ناشارێتەوە عەشقی نیگار
بام لە پەردەشدا بێ ئاخر سەرسەری و ڕسوام ئەکا


#حەمدی

خەندە و دەمی مەحبووبە کە وا زۆر نمەکینن
بەس خۆشە ئەگەر خۆ نمەکی زەخم و برینن


#نالی
واتە: زار و دەم و پێکەنینی یار هەر چەندە زام و برینی دڵ ئەکولێننەوە هێشتا هەر زۆر دڵڕفێن و خۆش و بەتامن.