تحملون وآنه گلبي رايح
وحايط فراگك فوگي طايح
انه الوراكم علّه صايح
من هسه راح انصب فواتح
جيتك ركض بيدي عباتي
وبيديه هومشلك يغاتي
گول البقت هم من بناتي
جا وحَّد آنه عن خواتي
ما كلفك بس گلي تمشين
والله مريضه وگلبي مو زين
مو من بناتك چني حسين
جا ليش ماگتولي ترحين
المعلوله روحه مداره رايد
وحطيت فوگ العله زايد
البيت خنگه ولاكو واحد
حتى الهوى إمن البيت شارد
گلبي اعله فگدك بويه مصيوب
وتدري اليتم گتال الگلوب
يل ماترحمك هاي الدروب
ما راح يرحم بيّه الغروب
بجدام مهرك شابگه اشباگ
فراگ الأبو للطفله حراگ
لغروب چتال إلي يشتاگ
وفوگ المرض حطيتلي افراگ
معذور اگلك مدري مشكور
وآنه حسرتي بصدري تنور
والله جفاكم يحني لضهور
ضليت اشوف ابيوتنه گبور
يمي وبده افراگك على العين
وباجر اتوچه إعله الحياطين
بويه وغلاة اهلي المضعنين
ميته ولا چلمة تضلين
>>Click here to continue<<