انه يا أصحابي بالحومه غريب
ائناديكم وما منكم مجيب
الخيل هايه والعده اتريد الخيام
وبالخيم ليتامي ضج صوت النحيب
ابلا عشيره ابلا عشيره
يستوحدونه الماتضل عنده عشيره
استجيره استجيره
طاح ابو فاضل بعد ياهو استجيره
إنا لله وإنا إليه راجعون
كان يسترجع ويقول
إنا لله وإنا إليه راجعون
______
وحدي بعيوني أدير اعله الخيام
اگبال ناس ابوطونها انترست حرام
عوفوا نومتكم خيم عندي وعفاف
وحجاية الماعند اخو معناها شام
يروح خدري يروح خدري
لو بقيتوا اعله التراب يروح خدري
احزام ضهري احزام ضهري
أهنا يخوتي اعتازكم مكسور ضهري
إنا لله وإنا إليه راجعون
إنا لله وإنا إليه راجعون
_____
أنيامواً ارجوا ان تنتبهون
گلوبهم متروسه غيض اعله الضعون
يطيح صيوان اختي ساعة ما اطيح
وتطلع الماطالعه اگبال العيون
آآخ حسره آآخ حسره
الضوه يذبح گلبها أم عون حسره
زغير عمره زغير عمره
النار ماتعرف اجدام ازغير عمره
إنا لله وإنا إليه راجعون
إنا لله وإنا إليه راجعون
_____
كسرت الماعنده اخو يتجي عليه
ثايته تنداس ويعيلون بيه
ألا هل من ناصر الآل الرسول
لا يحلل أجنبي الخدري سبيه
اطيح خيمه اطيح خيمه
والنهار يبدي ضل الماله خيمه
هاي هيمه هاي هيمه
وين منوى الشارده والدنيا هيمه
إنا لله وإنا إليه راجعون
إنا لله وإنا إليه راجعون
_______
بضعني يتشفون بغضاً ب أبي
وتنحجي جلمة و[إن] جدها النبي
أجل وشرف خدر يصعد عل هزيل
وتنحجي احجايتها للتمشي بسبي
والشماته الشماته
عل هزل تصفه خيال امن الشماته
ما تباته ما تباته
الليل للمجروح خدها ما تباته
إنا لله وإنا إليه راجعون
إنا لله وإنا إليه راجعون
>>Click here to continue<<